ကြောက်လွန်းလို့ ညစ်မိပါတယ်။

Tuesday, March 16, 2010

ကိုဂျူး

နိုင်ငံတော် အေးချမ်း သာယာရေးနဲ့ ဖွံ့ဖြိုးရေး ကောင်စီ ဥက္ကဌ ဗိုလ်ချုပ်မှူးကြီး သန်းရွှေက မြန်မာ ပြည်သူတွေ စောင့်မျှော်နေတဲ့ ၂၀၁၀ ပါတီစုံ ဒီမိုကရေစီ ရွေးကောက်ပွဲ အတွက် ပါတီများ မှတ်ပုံတင် ဥပဒေကို မတ်လ (၈) ရက်နေ့က ကြေညာ လိုက်ပါတယ်။ သူ့ဘက်က သူလိုချင်တဲ့ အခင်းအကြင်းပုံစံကို ချပြလိုက်ပါတယ်။ ရှက်စရာကောင်းတယ်၊ ညစ်ပတ်တယ်၊ မတရားဘူး တရားတယ် ဆိုတာကတော့ ဘယ်သူမှ အငြင်းမပွား ကြတော့ပါဘူး၊ ပြည်သူ အများ သိနေကြပြီဘဲ။ သူလုပ်တဲ့ ရွေးကောက်ပွဲ သူ့သဘောပေါ့ ပါချင်ပါ မပါချင် နေနိုင်ပါတယ်။ ဒီ အဖြစ်အပျက်မှာ တိုင်းပြည် အတွက်ကော NLD အတွက်ကော၊ နအဖ ကော၊ ဗိုလ်ချုပ်မှုးကြီး သန်းရွှေ အတွက်ကော Blessing in Disguise လို့ပြောနိုင်မဲ့ ကောင်းသွားနိုင်တဲ့ အကွက် တစ်ခုတော့ သွားမြင်ပါတယ်။

နအဖ ရွေးကောက်ပွဲ ဥပဒေသာ သိပ်အဆိုးကြီး မဟုတ်ရင် လုပ်သာ ကိုင်သာရှိရင် ပြည်သူတွေက NLD ကို ၂၀၁၀ ရွေးကောက်ပွဲမှာ ၀င်ပါစေချင်ပါတယ်။ အမျိုးသား ရင်ကြားစေ့ရေးကို အားပေး မျှော်လင့် နေကြပါတယ်။ တိုင်းပြည်ကို အခြေအနေ ဆိုးကြီး ဖြစ်မသွား စေချင်ပါဘူး။ ကျွန်တော်လဲ ဒါကြောင့် ဒီလို လုပ်ရင် မရဘူးလား၊ ဟိုလိုဆို မလွယ်ဘူးလား၊ ပြန်ဝင်လဲ ရတာဘဲလို့ နအဖကို ညှာတာ စဉ်းစား ပေးခဲ့ပါတယ်။ ကျွန်တော် အပါအ၀င် ဘေးလူတွေကြောင့် ပြဿနာပို မကြီးထွား စေချင်တာ အမှန်ပါ။

အားလုံးသိပြီးတဲ့ အတိုင်းပါဘဲ အခု ဗိုလ်ချုပ်မှုးကြီး သန်းရွှေရဲ့ ရွေးကောက်ပွဲ ဥပဒေမှာ အရေးကြီး တာတွေကတော့ မှတ်ပုံလာ တင်သူ နိုင်ငံရေး ပါတီများဟာ ၂၀၀၈ အခြေခံ ဥပဒေကို လက်ခံရမယ်။ ရွေးကောက်ပွဲကို သပိတ် မမှောက်ရဘူး (အနဲဆုံး သုံးနေရာ ၀င်အရွေးခံရမယ်)။ မိမိ ပါတီဝင်တစ်ဦး ထောင်ကျရင် ပါတီက ထုတ်ပယ်ရမယ် ဆိုတဲ့ အချက် သုံးချက်ပါဘဲ။

နောက်ဆုံး အချက်ဟာ ဒေါ်အောင်ဆန်းစုကြည် အပါအ၀င် ထောင်ထဲ ရောက်နေတဲ့ အတိုက်အခံ ခေါင်းဆောင်တွေကို သူတို့ ပါတီနဲ့ ကင်းကွာ သွားအောင် ခွဲထုတ် လိုက်တာပါဘဲ။ တိုင်းပြည် ခေါင်းဆောင် လုပ်ပြီး သူများ အဖွဲ့အစည်း ပြိုကွဲအောင် လုပ်ရာကျလို့ မထည့်သင့်တဲ့ ကိစ္စကို ဘယ်သူက ရှာရှာဖွေဖွေ ညစ်ဖို့ အကြံပေး လိုက်လဲတော့ မသိဘူး။ တနည်းအားဖြင့်တော့ ဒါဟာ သူကြောက်တဲ့ သူတွေ ရွေးကောက်ပွဲမှာ မပါအောင် သူတတ် နိုင်သလောက် ညစ်တယ်လို့ မြင်တယ်။ ကြောက်လွန်းလို့ ညစ်မိ ရှာတယ်လို့ ပြည်သူက မြင်သွားတယ်။ ဘာတွေပြောနေနေ ချပ်ဝတ် တန်ဆာတွေ အောက်မှာ ခေါင်းလေး ငုံ့နေတဲ့ သူ့အကြောက်တရားကို လူတွေ မြင်သွားတယ်။ ဒါကိုမြင်လို့ ဒေါ်အောင်ဆန်းစုကြည်က မရှက်ဘူးလားလို့ မေးတာပါ။

ကြောက်နေတဲ့ ကလေးကို လာလေကွာ၊ တွေ့မယ်လေကွာ၊ ယောက်ျားပီပီ တစ်ယောက်ခြင်း လုပ်လကွာ လို့ သွားစိန်ခေါ်နေလို့ မထူးဘူး။ ပေကပ်ပြီး ထိုင်နေရာက ထမှာမဟုတ်ဘူး။ ကလေးက ကြောက်ကန်ကန်ပြီး မလုပ်သင့်တာတွေ ပိုလုပ်မိလိမ့်မယ်။ တိုတိုပြောရရင် ကျွန်တော် မြင်သလောက် အတိုက်အခံတွေ အနေနဲ့ လုပ်စရာ နည်းလမ်း သုံးခု ရှိပါတယ်။

(၁) ဟုတ်ပြီ။ စစ်ဗိုလ်ကြီး တိုင်ဖက် မနေအောင် ကျွန်မတို့ ထွက်ပေးမယ်။ အသက်ကြီးနေတဲ့ တခြား ပါတီလူကြီးတွေလဲ မလုပ်နိုင်တော့လို့ ထွက်ချင်နေတာ ရှိတာဘဲ။ ရောထွက် လိုက်မယ်။ ပါတီမှာ ဘာရာထူးမှ မယူဘူး ပါတီဝင်လည်း မဟုတ်ဘူး။ မကြောက်နဲ့တော့ ကျေနပ်ပြီလား။ NLD မှတ်ပုံတင်မယ် ဆိုပြီး လုပ်မယ်၊ နအဖ ငြင်းဘို့ ဖျက်ဘို့ မလွယ်တော့ဘူး။ ဒေါ်စုကိုလဲ ရက်စေ့ရင် လွှတ်ရလိမ့်မယ် ထင်တယ်။

အဲဒီခါကျမှ ပါတီဝင်တွေက အရင်အတိုင်း အမေစုရဲ့ တက္ကသိုလ် ရိပ်သာလမ်း အိမ်ကို ၀င်မယ်၊ ထွက်မယ်၊ တိုင်ပင်မယ်၊ လာလည်မယ်။ ဖြေးဖြေးခြင်း ဧည့်သည် အနေနဲ့ ပါတီမှာ မိန့်ခွန်းပြောမယ်။ အများကြီး လုပ်လို့ ရပါတယ်။ ဒီ့ထက် ပိုကြောက် မသွားအောင်တော့ သတိထား လုပ်ရမယ်။ ကလေး တစ်ယောက်လို့ သဘောထားပါ။ ဆန်ရှင်နဲ့ အကူအညီတွေရဲ့ သော့ကိုင်ဟာ ဒေါ်စုဘဲ ဖြစ်နေဦးမယ်။ ဒီလို ကိုယ့်ဘက်က အနစ်နာခံ ပြလိုက်ရင် လူတွေကလဲ ပိုကြည်ညိုလာလို့ မဲတောင် ပိုရဦးမယ်။ ၁၉၉၀တုန်းက အတိုက်အခံတွေကို မဲရအောင် ဆွယ်ပေးတဲ့ အဓိကပုဂ္ဂိုလ်ဟာ ဗိုလ်ချုပ်စောမောင်ဆိုရင် ၂၀၁၀ မှာ ဗိုလ်ချုပ်သန်းရွှေဖြစ်မယ်။ ၂၀၁၀ မှာ သေချာပေါက် နိုင်မယ်။ ဒေါ်စုလဲ အစကထဲက ပါတီထောင်ချင်တာ မဟုတ်ဘူး။ ပိုတောင် ကြိုက်ဦးမယ်။ ထောင်ကျရင် ပါတီက ထုတ်ရမယ် ဆိုတဲ့ ဥပဒေကလဲ နအဖ ထုတ်တဲ့သာမန် ဥပဒေသာ ဖြစ်တာမို့ လွှတ်တော်မှာ လူများစု ဖြစ်လာရင် ပြင်လို့ လွယ်ပါတယ်။

(၂) ကိုဥတ္တရရေးသလိုဘဲ NLD ၂၀၁၀ ကို ကန့်ကွက်ထား လျှက်ဘဲ မှတ်ပုံပြန် မတင်ဘူး လုပ်မယ်။ NLD ပါတီပျက်မယ်။ ဘာဘဲပြောပြော စစ်အာဏာရှင် ဗိုလ်ချုပ်မှုးကြီး သန်းရွှေ အတင်းအကျပ် လုပ်ခဲ့တဲ့ ၂၀၀၈ နဲ့ ၂၀၁၀ ကို ပြည်သူ အများစု ရွေးကောက်ခံ ပါတီကြီးက လက်မခံ ပယ်ချခဲ့တယ် ဆိုတဲ့ နာမည်ပျက် သမိုင်းတွင် ကျန်ရစ်မယ်။ ဘာပြည်ပ ရင်းနှီးမြှုပ်နှံမှုမှ မလာဘူး၊ ဘာအကူအညီမှ မရဘူး၊

နအဖဘဲ လုပ်ဦးမှာဖြစ်တဲ့ နောက်အစိုးရ ဘာမှ အောင်မြင်မှု မရနိုင်အောင် လုပ်ပြီးသားဘဲ။ NLD ပါတီဝင်တချို့ နာမည်အသစ်နဲ့ ပါတီကြီးတစ်ခု ထောင်မယ်။ ရွေးကောက်ပွဲ ၀င်ရင် နိုင်သလောက် နိုင်ကြဦးမှာဘဲ။ ဒီတစ်ကြိမ် သက်တမ်းတော့ လွှတ်တော်ထဲ ရောက်သလောက်နဲ့ မီးစင် ကြည့်ကမယ်။ ခုနကလိုဘဲ ဒေါ်စုတို့နဲ့ လက်ပြွန်း တတီးနေမယ်။ အမြတ်က တက်လာတဲ့ အစိုးရက အတိုက်အခံက ကန့်ကွက် နေတဲ့ကြားက အတင်းတက် လုပ်တာမို့ အထူး သတိထားပြီး တိုင်းပြည်ကို ကောင်းအောင် လုပ်ပြရတော့မယ်။ တာဝန် ပိုကြီးမယ်။ ၅ နှစ်တကြိမ် လုပ်ရမဲ့ ရွေးကောက်ပွဲ တွေမို့ နောက်တကြိမ် ရွေးကောက်ပွဲ တွေမှာ အခွင့်အရေး ပိုရလာရင် ဒီထက် ကောင်းအောင် အသုံးချမယ်။ ဒီနည်းလဲ ကောင်းတာဘဲ။ ပြေးမလွတ်ပါဘူး။

(၃) ဒေါ်စုနဲ့ NLD က ၂၀၁၀ ကို ပြတ်ပြတ် သားသား ကန့်ကွက်မယ်။ ၂၀၀၈ကို ပယ်ချမယ်။ ရွေးကောက်ပွဲ မတိုင်ခင် ၂၀၁၀ အတွင်းမှာ ပွဲကြမ်းမယ်။

နအဖလဲ NLD ကို ဖျက်ရမယ်။ လူတွေအများကြီး ဖမ်းရမယ်၊ ထောင်တွေ ချရမယ်။ ကျွန်တော် အရင်ရေးသလို ညစ်တီးညစ်ပတ် Messy အလုပ်တွေ အများကြီးလုပ်ရမယ်။ ဒီမိုကရေစီ ရွေးကောက်ပွဲ လုပ်ပါ့မယ် ဆိုနေပါမှ အတိုက်အခံ ပါတီကို ဖျက်ပြစ်ပြီး ပါတီဝင်တွေကိုဖမ်း ထောင်ချတဲ့ လူဖမ်းပွဲကြီး လုပ်ရမယ်။ NLD က ပါတီ သေးလေးတွေ ဖြစ်ကုန်မယ်။ နဂိုကမှ အားလုံး ပါဝင်ခွင့်မရရင် ၂၀၁၀ ရွေးကောက်ပွဲကို လက်မခံချင်ဘူးလို့ ကမ္ဘာက ပြောနေတာ။ နအဖ နာမည်ပျက်က သူ့သချိုင်း အုတ်ဂူထဲအထိ ပါသွားလိမ့်မယ်။ နအဖ အချင်းချင်းတောင် စကားတွေ များသွားနိုင်တယ်။ စစ်ခေါင်းဆောင် အသစ် တက်လာဘို့ မျှော်လင့်နိုင်တယ်။ ၀င်ပြိုင်တဲ့ ပါတီတွေလဲ မျက်နှာပူစရာကြီး၊ ဒါတွေကို လုပ်ပြီး နောက်တက်လာတဲ့ အစိုးရကတော့ ကမ္ဘာမှာ မျက်နှာ သိပ်ငယ်မယ်။ တိုင်းပြည်ကော နှစ်ဦးနှစ်ဘက်လုံးကော သိပ်နာမယ်။

ကျွန်တော်ကတော့ နည်းလမ်း (၁) ကို အကြိုက်ဆုံးဘဲ။ ဒေါ်စုလဲ ဒီနည်းကို မြင်မှာဘဲ၊ လုပ်တတ်မှာဘဲ။ လုပ်လိမ့်မယ်ထင်တယ်။ တိုင်းပြည်ကို ဒီအတိုင်း ဆုံးဖြတ်တဲ့ အကြောင်း ရှင်းရှင်း လင်းလင်း ချပြလိုက်ပါ။ တဘက်က ကြောက်ကန် ကန်နေပြီ ဆိုတော့ ပြည်သူ့ မျက်နှာ ထောက်ပြီး ဒီလို ဆုံးဖြတ်လို့ ဒေါ်စု ဂုဏ်ငယ်စရာ မရှိတော့ဘူး။ ပြည်သူကော ကမ္ဘာကပါ ကောင်းချီး ပေးလိမ့်မယ်။ နအဖနဲ့ ဒီချုပ် အကွဲအပြဲမှာ အခွင့်အရေး ချောင်းနေသူတွေ၊ လျှာစောင်း တိုက်မဲ့သူတွေ ကိုတော့ သတိပြုရမယ်။

နအဖ လွှတ်လိုက်တဲ့ ဖုတ်သွင်းရထား အိမ်ရှေ့ ဆိုက်လာလို့ ရွေးစရာလမ်း မရှိလို့ တက်စီး ရတယ်လို့ သဘောထားရမှာဘဲ။ ခေါင်းငုံ့နေတဲ့ ရထားမောင်းကို ပုခုံးပုတ် နှုတ်ဆက်ပြီး အသာတက်စီးလိုက်ရင် ပြီးပါတယ်။ Take me to the palace ပေါ့။

စဉ်းစားကြည့်တာပါ။ ဖြစ်နိုင်၏ မဖြစ်နိုင်၏ ၀ိုင်းစဉ်းစားပေးကြပါဦး။

စေတနာဖြင့်။

ကိုဂျူး

Posted by ပိတောက်မြေ