မောင်ဝံသ
(၂၀၁၀ခုနှစ်၊ ဖေဖော်ဝါရီလ ၁၁ ရက်နေ့ထုတ် Popular News ဂျာနယ်က ဆရာ မောင်ဝံသရဲ့ ဆောင်းပါး ဖြစ်ပါတယ်။ ရန်သူမရှိ၊ မိတ်ဆွေသာ ရှိဆိုတဲ့ ဆရာ ဒဂုန်တာရာရဲ့ အယူအဆကို ချဲ့ပြီးတွေး ထားတာကို မျှဝေပေးလိုက်ပါတယ်။ )
'ရန်သူမရှိ မိတ်ဆွေသာရှိ'၊ 'နိုင်ငံရေး လုပ်တယ်ဆိုတာ ရန်သူကို မိတ်ဆွေ ဖြစ်အောင် လုပ်တာ' ဤစကား များကို ကဗျာဆရာ၊ စာရေးဆရာကြီး ဒဂုန်တာရာ စဉ်ဆက်မပြတ် ပြောနေခဲ့တာ ကြာပါပြီ။
ဆရာ ဒဂုန်တာရာ ဆိုတာ သက်ရှိ စာပေပညာရှင်များ ထဲမှာ ကျွန်တော်တို့ အလေးအမြတ် အပြုရဆုံး ဆရာ တစ်ဆူပါ။ သခင်အောင်ဆန်း၊ သခင်ဗဟိန်း၊ သခင်နု၊ သခင်သန်းထွန်း၊ ဦးဗဆွေတို့နဲ့ ရင်းနှီးခင်မင် ခဲ့သူ။ မြန်မာ့ နိုင်ငံရေး တစ်ခေတ်ကို ဦးဆောင်ခဲ့တဲ့ ထိုပုဂ္ဂိုလ်များကို ရုပ်ပုံလွှာ အရေးအသားနဲ့ စာပန်းချီ ခြယ်ခဲ့သူ။ အလွန် အစဉ်အလာ ကြီးမားတဲ့ ဆရာ ဒဂုန်တာရာပါ။
'ရန်သူမရှိ' အယူအဆကို ဆရာ ဒဂုန်တာရာ မနားမနေ ပြောနေခဲ့တာ ဆယ်စုနှစ် တစ်ခုလောက် ရှိပြီ ထင်ပါတယ်။ ဆရာ့ကို ကြည်ညိုတဲ့ လူငယ်တချို့ ဆီက စောဒက တက်သံတွေလည်း ထွက်ပေါ်ခဲ့တယ်။ ရှမ်းပြည်နယ်၊ အောင်ပန်းမှာ နေထိုင် နေတဲ့ ဆရာ ဒဂုန်တာရာ၊ နှစ်စဉ် ဒီဇင်ဘာလလောက်မှာ ဆောင်းရှောင်ရင်း ရန်ကုန်မှာ သုံးလလောက် လာနေတဲ့ အချိန် တွေမှာ စာရေးဆရာ၊ ကဗျာဆရာ လူငယ်တွေ ဆရာ့ဆီ သွားရောက် တွေ့ဆုံကြတယ်။ တွေ့ကြတိုင်းမှာလည်း 'ရန်သူမရှိ' အယူအဆကို တစ်နည်းနည်းနဲ့ ဆွေးနွေး ဖြစ်ကြတာချည်း ပါပဲ။
ယမန်နှစ် (၂၀၀၉၊ မေ ၁၀ရက်) ဆရာ ဒဂုန်တာရာ အသက် ၉၀ ပြည့် ဂုဏ်ပြုတဲ့ အနေနဲ့ လျှပ်တစ်ပြက် ဂျာနယ်က ဒဂုန်တာရာ မွေးနေ့ အထူး စာမျက်နှာ စီစဉ်ခဲ့တယ်။ ကျွန်တော်တို့ဆီလည်း အမှတ်တရ ရေးပေးပါလို့ တောင်းခံလို့် ကျွန်တော်က ကဗျာစာညွန့် တစ်ပုဒ် ရေးပေး လိုက်တယ်။ အောက်ပါ အတိုင်း ဖြစ်ပါတယ်။
ရန်သူ မိတ်ဆွေ မသဲကွဲ
ရန်သူမရှိ မိတ်ဆွေသာရှိ
မုန်းသူမရှိ ချစ်သူသာရှိ
ဆရာတာ၏ စကား၊ ဆရာတာ၏ တရား
တော်တော်နှင့် ကျွန်တော် နားမဝင်ခဲ့၊ မကြားချင်ခဲ့။
ရန်သူကို မိတ်ဆွေဖြစ်အောင်လည်း
ကျွန်တော် မလုပ်နိုင်ခဲ့။
သည်လိုနှင့် ကျွန်တော် မောပြီး
ထိုင်ကြည့်နေတယ်။
နာကျင်ခဲ့ရသူများ၊ ခံစားခဲ့ရသူများ နေရာက
ကျွန်တော်ဝင်ကြည့် တွေးကြည့်တယ်။
မိတ်ဆွေနဲ့ ရန်သူ၊ ချစ်သူနဲ့ မုန်းသူ
ဘယ်လို တူတူထားနိုင်ပါ့။
မိမိက ကျားဆိုရင် နွားကို ချမ်းသာခွင့်ပေးမယ်။
အဲသလိုဆို ရန်သူဟာ မိတ်ဆွေ ဖြစ်လာပြီပေါ့။
ရန်သူက ကျား မိမိက နွား ဖြစ်ချိန်
အဲသည်အခါ 'ရန်သူမရှိ မိတ်ဆွေသာရှိ'
ဆရာတာ၏ ဂါထာ နာနာရွတ်
ပြေးနိုင်ရင်တော့ လွတ်မည်ပ။
သည်အချိန်မှာ ကျွန်တော်တို့ဆရာတာ
အသက်ကိုးဆယ်
တောင်စွယ်မှာ နေမကွယ်သေးချိန်
ဆည်းဆာရောင်နီများ တောက်ပနေဆဲ
ရန်သူ မိတ်ဆွေ မသဲကွဲ
(ဆရာတာတောင့်တသော)
ငြိမ်းချမ်းရေး ဘယ်မှာလဲ။
ချစ်ခင်လေးစားရပါသော ဆရာဒဂုန်တာရာ
အသက်ရာကျော် နေနိုင်ပါစေ။
လျှပ်တစ်ပြက်ဂျာနယ်မှာ အဲသည်စာတိုလေး ပါလာပြီးနောက် ကျွန်တော့်ကို မိတ်ဆွေ တစ်ချို့က မေးမြန်းကြတယ်။ ကျွန်တော် ရေးထားတာ ပဟေဠိ မပါပါဘူး။ ရှင်းမယ် ထင်ပါတယ်လို့ပဲ ပြန်ဖြေလိုက်တယ်။ ဆရာ ကျော်ဇောနိုင် ကတော့ အင်္ဂလိပ်လို ဘာသာပြန်ပြီး သူ့မိတ်ဆွေများထံ အီးမေးလ်တွေနဲ့ ဖြန့်ချိခဲ့တယ်လို့ ဆိုပါတယ်။
အခု တစ်နှစ်နီးပါး ကြာလာတဲ့အခါ 'ရန်သူမရှိ' အယူအဆကို ထပ်ပြီး စဉ်းစားစရာ အကြောင်းတစ်ခု ပေါ်လာပြန်တယ်။ နိုင်ငံရေးမှာ ပြိုင်ဘက်ကို (သို့မဟုတ်) မိမိနဲ့ ဆန့်ကျင်သူကို ရန်သူလို့ သဘောထားသလား ဆိုတဲ့ ခေါင်းစဉ်ကို ဆွေးနွေးချင်ပါတယ်။ စစ်သဘောမှာ မိမိနဲ့ ရင်ဆိုင်နေသူဟာ ရန်သူပဲ။ ရန်သူ ဆိုတာနဲ့ ကိုယ် က သူ့ကို သတ်နိုင်ရင်သတ်၊ မသတ်နိုင်ရင် ကိုယ့်ကို သူက သတ်သွားမှာပဲလို့ စွဲမြဲခံယူ ထားရတယ်။ နိုင်ငံရေးမှာ စစ်သဘောနဲ့ ရှုမြင်ရင် ယှဉ်ပြိုင် သူတွေဟာ တစ်ဦးနဲ့တစ်ဦး ပြိုင်ဘက်တွေလို့ သဘောမထားဘဲ ရန်သူလို့ သဘောထားလိုက်တာနဲ့ တစ်ဦး ပျက်စီးရာ ပျက်စီးကြောင်းကို တစ်ဦးက လုပ်တော့မှာပဲ မဟုတ်လား။
တကယ်ကတော့ နိုင်ငံရေးမှာ ထာဝရရန်သူ၊ ထာဝရ မိတ်ဆွေရယ်လို့ မရှိဘူး၊ အချိန်အခါ၊ အခြေအနေကို လိုက်၍ ပြောင်းလဲရစမြဲလို့ အများက လက်ခံထားကြတာပဲ မဟုတ်လား။ အဲဒီ သဘောကို နှလုံးသွင်း ထားရင်ဖြင့် ထာဝရ ဆိုတာလည်း မရှိတော့ပါဘူး။
အပြေးပြိုင်ပွဲ တစ်ခုကို မြင်ကြည့်တယ်။ ယှဉ်ပြိုင်သူတွေဟာ ပြိုင်ဘက်များ အဖြစ် အပြေးပြိုင်ရင် ကိုယ့်လမ်း ကြောင်းနဲ့ကိုယ် ပြေးကြတာပဲ။ မိမိနဲ့ ယှဉ်ပြိုင်သူကို ရန်သူလို့ သဘောထား လိုက်ရင် ရန်သူ ပျက်စီးရာ ပျက်စီးကြောင်းကို ကြံစည် လုပ်ဆောင် တော့မယ်။ လူချင်း တွန်းတိုက်မယ်၊ ခြေထိုးခံမယ်။ ရန်သူလို့ သဘော မထားဘူး ဆိုရင်တော့ အားကစား စိတ်ဓာတ် အပြည့်နဲ့ သန့်ရှင်းစွာ ယှဉ်ပြိုင်ကြမှာပဲပေါ့။
ဆရာ ဒဂုန်တာရာ ပြောချင်တဲ့ 'ရန်သူမရှိ' ဆိုတာ အဲသလို သဘောထား ထားရှိဖို့ ခံယူချက် အပိုင်းကို ပြောတာ ပဲလို့ ၄ ဇန်နဝါရီ ၂၀၁၀ မှာ ပန်းဆိုးတန်း နန်းယု ဟိုတယ်မှာ ပြုလုပ်တဲ့ ဆရာ ဒဂုန်တာရာ၊ ဆရာ ပါရဂူနဲ့ ကျွန်တော်တို့ တစ်တွေ ညစာစားပွဲမှာ ဆရာ ဒဂုန်တာရာက ထပ်မံ ရှင်းလင်းသွားပါတယ်။ 'ငြိမ်းချမ်းရေး လိုချင်ရင် ရန်သူမရှိဆိုတဲ့ သဘောထားကို ခံယူ ထားရမယ်' လို့ ဆရာတာက ပြောသွားပါတယ်။
'ကိုယ်က ရန်သူမရှိလို့ သဘောထားပေမယ့် တစ်ဖက်က ကိုယ့်ကို ရန်သူလို့ သဘောထားပြီး အပြတ်ရှင်းမယ် ဆိုရင်ကော ဆရာ' လို့ ကျွန်တော်က မေးတော့ ဆရာက မိမိဘက်က ထားရှိရမယ့် သဘောထားကို ပြောတာ လို့ပဲ ဆိုပါတယ်။
ကျွန်တော်ကတော့ တစ်ထိုင်တည်း သဘော ပေါက်ခဲ့ပါတယ်။ ချိတ်ချိတ်ချင်းသာ ချိတ်နိုင်တယ်၊ တစ်ဖက်က ချိတ်နဲ့ချိတ်ဖို့ ကြိုးစားပေမယ့် ကိုယ်က ချိတ်မဟုတ်ဘဲ ဖြောင့်နေရင် ချိတ်လို့ မရတော့ဘူးလို့ ဆရာက ယုံကြည် နေဆဲပါ။
ဆရာ ဒဂုန်တာရာ အစဉ်တစိုက် ပြောနေတဲ့ "နိုင်ငံရေး လုပ်တယ်ဆိုတာ ရန်သူကိုမိတ်ဆွေ ဖြစ်အောင် လုပ်တာ" ဆိုတာကိုတော့ ကျွန်တော်က (မိမိ မလုပ်နိုင် သော်ငြားလည်း) လုပ်နိုင်သူတွေ လုပ်ကြပါစေလို့ ထောက်ခံ အားပေးပါတယ်။ ဘာကြောင့်လဲ ဆိုတော့ သည်စကားဟာ ဘုရားဟောနဲ့လည်း ညီညွတ်ပါတယ်။ 'အတွေး အမြင် ဒဿန ခေါင်းကြီးများ-၂" စာအုပ်က ခေါင်းကြီး တစ်ပုဒ်မှာ ဘုရားရှင်ရဲ့ အဆုံးအမကို ကိုးကားပြီး ပြဿနာ ဖြေရှင်းနည်းကို ရေးပြထားတာ မှတ်သားစရာပါ။ ခေါင်းစဉ်က 'ပြဿနာကို ရင်ဆိုင် သည်းခံစိတ်ဖြင့် ဖြေရှင်း' တဲ့။
'သည်းခံခြင်းသည် လောကီ၊ လောကုတ္တရာ နှစ်ဌာနစလုံးတွင် အလေးအမြတ် ပြုအပ်သော ကိုယ်ကျင့်တရား တစ်ခု ဖြစ်သည်။ ကိုယ်ကျင့်တရား ဟူသည် ကျင့်ကြံရသော တရားဖြစ်၍ သည်းခံခြင်းသည် ပါရမီ နည်းပါးသူများ အဖို့ ကျင့်ကြံ အားထုတ်ခြင်း ဖြင့်သာလျှင် မွေးမြူရသော စိတ်ပိုင်းဆိုင်ရာ ခံယူချက် ဖြစ်သည်။
သည်းခံခြင်းနှင့် ဆန့်ကျင်ဘက် ရန်လိုခြင်း ရန်ပြုခြင်းတို့သည် ဖျက်ဆီးလိုစိတ်၏ စေ့ဆော်ချက်ကြောင့် ပေါ်ပေါက်လာခြင်း ဖြစ်သည်။ ဖျက်ဆီးလိုစိတ်၏ ဆန့်ကျင်ဘက်မှာ ငြိမ်းချမ်းရေးစိတ် ဖြစ်သည်။ သည်းခံစိတ်၏ အကျိုးရလဒ်သည် ငြိမ်းချမ်းရေးကို ဖြစ်ထွန်းစေသည်။ လောကတစ်ခွင် ငြိမ်းချမ်း သာယာရေး အတွက် သည်းခံခြင်း တရားသည် အလိုအပ်ဆုံး ဖြစ်သည်။ သို့ရာတွင် ပြဿနာနှင့် ရင်မဆိုင်ဘဲ ရှောင်ထွက်သွားပြီး သည်းခံခြင်းမျိုးထက် မြတ်ဗုဒ္ဓ လက်တွေ့ပြသ သွားသော ပြဿနာနှင့် ရင်ဆိုင်ပြီး ငြိမ်းချမ်းရေး ရအောင် လုပ်ဆောင်ခြင်းက သာလွန်၍ မွန်မြတ်ကြောင်း အလေးအနက် နှလုံးသွင်းအပ်သည်။ (အတွေးအမြင်-၁၅၄၊ ဧပြီ၊ ၂၀၀၂)'
ဆရာ ဒဂုန်တာရာရဲ့ 'နိုင်ငံရေးလုပ်တယ်ဆိုတာ…' သဘောထားနှင့် ဆက်စပ်၍ တွေးစရာများကို တင်ပြလိုက်ခြင်း ဖြစ်ပါတယ်။
မောင်ဝံသ
(၂၀၁၀ခုနှစ်၊ ဖေဖော်ဝါရီလ ၁၁ ရက်နေ့ထုတ် Popular News ဂျာနယ်က ဆရာ မောင်ဝံသရဲ့ ဆောင်းပါး ဖြစ်ပါတယ်။ ရန်သူမရှိ၊ မိတ်ဆွေသာ ရှိဆိုတဲ့ ဆရာ ဒဂုန်တာရာရဲ့ အယူအဆကို ချဲ့ပြီးတွေး ထားတာကို မျှဝေပေးလိုက်ပါတယ်။ )
'ရန်သူမရှိ မိတ်ဆွေသာရှိ'၊ 'နိုင်ငံရေး လုပ်တယ်ဆိုတာ ရန်သူကို မိတ်ဆွေ ဖြစ်အောင် လုပ်တာ' ဤစကား များကို ကဗျာဆရာ၊ စာရေးဆရာကြီး ဒဂုန်တာရာ စဉ်ဆက်မပြတ် ပြောနေခဲ့တာ ကြာပါပြီ။
ဆရာ ဒဂုန်တာရာ ဆိုတာ သက်ရှိ စာပေပညာရှင်များ ထဲမှာ ကျွန်တော်တို့ အလေးအမြတ် အပြုရဆုံး ဆရာ တစ်ဆူပါ။ သခင်အောင်ဆန်း၊ သခင်ဗဟိန်း၊ သခင်နု၊ သခင်သန်းထွန်း၊ ဦးဗဆွေတို့နဲ့ ရင်းနှီးခင်မင် ခဲ့သူ။ မြန်မာ့ နိုင်ငံရေး တစ်ခေတ်ကို ဦးဆောင်ခဲ့တဲ့ ထိုပုဂ္ဂိုလ်များကို ရုပ်ပုံလွှာ အရေးအသားနဲ့ စာပန်းချီ ခြယ်ခဲ့သူ။ အလွန် အစဉ်အလာ ကြီးမားတဲ့ ဆရာ ဒဂုန်တာရာပါ။
'ရန်သူမရှိ' အယူအဆကို ဆရာ ဒဂုန်တာရာ မနားမနေ ပြောနေခဲ့တာ ဆယ်စုနှစ် တစ်ခုလောက် ရှိပြီ ထင်ပါတယ်။ ဆရာ့ကို ကြည်ညိုတဲ့ လူငယ်တချို့ ဆီက စောဒက တက်သံတွေလည်း ထွက်ပေါ်ခဲ့တယ်။ ရှမ်းပြည်နယ်၊ အောင်ပန်းမှာ နေထိုင် နေတဲ့ ဆရာ ဒဂုန်တာရာ၊ နှစ်စဉ် ဒီဇင်ဘာလလောက်မှာ ဆောင်းရှောင်ရင်း ရန်ကုန်မှာ သုံးလလောက် လာနေတဲ့ အချိန် တွေမှာ စာရေးဆရာ၊ ကဗျာဆရာ လူငယ်တွေ ဆရာ့ဆီ သွားရောက် တွေ့ဆုံကြတယ်။ တွေ့ကြတိုင်းမှာလည်း 'ရန်သူမရှိ' အယူအဆကို တစ်နည်းနည်းနဲ့ ဆွေးနွေး ဖြစ်ကြတာချည်း ပါပဲ။
ယမန်နှစ် (၂၀၀၉၊ မေ ၁၀ရက်) ဆရာ ဒဂုန်တာရာ အသက် ၉၀ ပြည့် ဂုဏ်ပြုတဲ့ အနေနဲ့ လျှပ်တစ်ပြက် ဂျာနယ်က ဒဂုန်တာရာ မွေးနေ့ အထူး စာမျက်နှာ စီစဉ်ခဲ့တယ်။ ကျွန်တော်တို့ဆီလည်း အမှတ်တရ ရေးပေးပါလို့ တောင်းခံလို့် ကျွန်တော်က ကဗျာစာညွန့် တစ်ပုဒ် ရေးပေး လိုက်တယ်။ အောက်ပါ အတိုင်း ဖြစ်ပါတယ်။
ရန်သူ မိတ်ဆွေ မသဲကွဲ
ရန်သူမရှိ မိတ်ဆွေသာရှိ
မုန်းသူမရှိ ချစ်သူသာရှိ
ဆရာတာ၏ စကား၊ ဆရာတာ၏ တရား
တော်တော်နှင့် ကျွန်တော် နားမဝင်ခဲ့၊ မကြားချင်ခဲ့။
ရန်သူကို မိတ်ဆွေဖြစ်အောင်လည်း
ကျွန်တော် မလုပ်နိုင်ခဲ့။
သည်လိုနှင့် ကျွန်တော် မောပြီး
ထိုင်ကြည့်နေတယ်။
နာကျင်ခဲ့ရသူများ၊ ခံစားခဲ့ရသူများ နေရာက
ကျွန်တော်ဝင်ကြည့် တွေးကြည့်တယ်။
မိတ်ဆွေနဲ့ ရန်သူ၊ ချစ်သူနဲ့ မုန်းသူ
ဘယ်လို တူတူထားနိုင်ပါ့။
မိမိက ကျားဆိုရင် နွားကို ချမ်းသာခွင့်ပေးမယ်။
အဲသလိုဆို ရန်သူဟာ မိတ်ဆွေ ဖြစ်လာပြီပေါ့။
ရန်သူက ကျား မိမိက နွား ဖြစ်ချိန်
အဲသည်အခါ 'ရန်သူမရှိ မိတ်ဆွေသာရှိ'
ဆရာတာ၏ ဂါထာ နာနာရွတ်
ပြေးနိုင်ရင်တော့ လွတ်မည်ပ။
သည်အချိန်မှာ ကျွန်တော်တို့ဆရာတာ
အသက်ကိုးဆယ်
တောင်စွယ်မှာ နေမကွယ်သေးချိန်
ဆည်းဆာရောင်နီများ တောက်ပနေဆဲ
ရန်သူ မိတ်ဆွေ မသဲကွဲ
(ဆရာတာတောင့်တသော)
ငြိမ်းချမ်းရေး ဘယ်မှာလဲ။
ချစ်ခင်လေးစားရပါသော ဆရာဒဂုန်တာရာ
အသက်ရာကျော် နေနိုင်ပါစေ။
လျှပ်တစ်ပြက်ဂျာနယ်မှာ အဲသည်စာတိုလေး ပါလာပြီးနောက် ကျွန်တော့်ကို မိတ်ဆွေ တစ်ချို့က မေးမြန်းကြတယ်။ ကျွန်တော် ရေးထားတာ ပဟေဠိ မပါပါဘူး။ ရှင်းမယ် ထင်ပါတယ်လို့ပဲ ပြန်ဖြေလိုက်တယ်။ ဆရာ ကျော်ဇောနိုင် ကတော့ အင်္ဂလိပ်လို ဘာသာပြန်ပြီး သူ့မိတ်ဆွေများထံ အီးမေးလ်တွေနဲ့ ဖြန့်ချိခဲ့တယ်လို့ ဆိုပါတယ်။
အခု တစ်နှစ်နီးပါး ကြာလာတဲ့အခါ 'ရန်သူမရှိ' အယူအဆကို ထပ်ပြီး စဉ်းစားစရာ အကြောင်းတစ်ခု ပေါ်လာပြန်တယ်။ နိုင်ငံရေးမှာ ပြိုင်ဘက်ကို (သို့မဟုတ်) မိမိနဲ့ ဆန့်ကျင်သူကို ရန်သူလို့ သဘောထားသလား ဆိုတဲ့ ခေါင်းစဉ်ကို ဆွေးနွေးချင်ပါတယ်။ စစ်သဘောမှာ မိမိနဲ့ ရင်ဆိုင်နေသူဟာ ရန်သူပဲ။ ရန်သူ ဆိုတာနဲ့ ကိုယ် က သူ့ကို သတ်နိုင်ရင်သတ်၊ မသတ်နိုင်ရင် ကိုယ့်ကို သူက သတ်သွားမှာပဲလို့ စွဲမြဲခံယူ ထားရတယ်။ နိုင်ငံရေးမှာ စစ်သဘောနဲ့ ရှုမြင်ရင် ယှဉ်ပြိုင် သူတွေဟာ တစ်ဦးနဲ့တစ်ဦး ပြိုင်ဘက်တွေလို့ သဘောမထားဘဲ ရန်သူလို့ သဘောထားလိုက်တာနဲ့ တစ်ဦး ပျက်စီးရာ ပျက်စီးကြောင်းကို တစ်ဦးက လုပ်တော့မှာပဲ မဟုတ်လား။
တကယ်ကတော့ နိုင်ငံရေးမှာ ထာဝရရန်သူ၊ ထာဝရ မိတ်ဆွေရယ်လို့ မရှိဘူး၊ အချိန်အခါ၊ အခြေအနေကို လိုက်၍ ပြောင်းလဲရစမြဲလို့ အများက လက်ခံထားကြတာပဲ မဟုတ်လား။ အဲဒီ သဘောကို နှလုံးသွင်း ထားရင်ဖြင့် ထာဝရ ဆိုတာလည်း မရှိတော့ပါဘူး။
အပြေးပြိုင်ပွဲ တစ်ခုကို မြင်ကြည့်တယ်။ ယှဉ်ပြိုင်သူတွေဟာ ပြိုင်ဘက်များ အဖြစ် အပြေးပြိုင်ရင် ကိုယ့်လမ်း ကြောင်းနဲ့ကိုယ် ပြေးကြတာပဲ။ မိမိနဲ့ ယှဉ်ပြိုင်သူကို ရန်သူလို့ သဘောထား လိုက်ရင် ရန်သူ ပျက်စီးရာ ပျက်စီးကြောင်းကို ကြံစည် လုပ်ဆောင် တော့မယ်။ လူချင်း တွန်းတိုက်မယ်၊ ခြေထိုးခံမယ်။ ရန်သူလို့ သဘော မထားဘူး ဆိုရင်တော့ အားကစား စိတ်ဓာတ် အပြည့်နဲ့ သန့်ရှင်းစွာ ယှဉ်ပြိုင်ကြမှာပဲပေါ့။
ဆရာ ဒဂုန်တာရာ ပြောချင်တဲ့ 'ရန်သူမရှိ' ဆိုတာ အဲသလို သဘောထား ထားရှိဖို့ ခံယူချက် အပိုင်းကို ပြောတာ ပဲလို့ ၄ ဇန်နဝါရီ ၂၀၁၀ မှာ ပန်းဆိုးတန်း နန်းယု ဟိုတယ်မှာ ပြုလုပ်တဲ့ ဆရာ ဒဂုန်တာရာ၊ ဆရာ ပါရဂူနဲ့ ကျွန်တော်တို့ တစ်တွေ ညစာစားပွဲမှာ ဆရာ ဒဂုန်တာရာက ထပ်မံ ရှင်းလင်းသွားပါတယ်။ 'ငြိမ်းချမ်းရေး လိုချင်ရင် ရန်သူမရှိဆိုတဲ့ သဘောထားကို ခံယူ ထားရမယ်' လို့ ဆရာတာက ပြောသွားပါတယ်။
'ကိုယ်က ရန်သူမရှိလို့ သဘောထားပေမယ့် တစ်ဖက်က ကိုယ့်ကို ရန်သူလို့ သဘောထားပြီး အပြတ်ရှင်းမယ် ဆိုရင်ကော ဆရာ' လို့ ကျွန်တော်က မေးတော့ ဆရာက မိမိဘက်က ထားရှိရမယ့် သဘောထားကို ပြောတာ လို့ပဲ ဆိုပါတယ်။
ကျွန်တော်ကတော့ တစ်ထိုင်တည်း သဘော ပေါက်ခဲ့ပါတယ်။ ချိတ်ချိတ်ချင်းသာ ချိတ်နိုင်တယ်၊ တစ်ဖက်က ချိတ်နဲ့ချိတ်ဖို့ ကြိုးစားပေမယ့် ကိုယ်က ချိတ်မဟုတ်ဘဲ ဖြောင့်နေရင် ချိတ်လို့ မရတော့ဘူးလို့ ဆရာက ယုံကြည် နေဆဲပါ။
ဆရာ ဒဂုန်တာရာ အစဉ်တစိုက် ပြောနေတဲ့ "နိုင်ငံရေး လုပ်တယ်ဆိုတာ ရန်သူကိုမိတ်ဆွေ ဖြစ်အောင် လုပ်တာ" ဆိုတာကိုတော့ ကျွန်တော်က (မိမိ မလုပ်နိုင် သော်ငြားလည်း) လုပ်နိုင်သူတွေ လုပ်ကြပါစေလို့ ထောက်ခံ အားပေးပါတယ်။ ဘာကြောင့်လဲ ဆိုတော့ သည်စကားဟာ ဘုရားဟောနဲ့လည်း ညီညွတ်ပါတယ်။ 'အတွေး အမြင် ဒဿန ခေါင်းကြီးများ-၂" စာအုပ်က ခေါင်းကြီး တစ်ပုဒ်မှာ ဘုရားရှင်ရဲ့ အဆုံးအမကို ကိုးကားပြီး ပြဿနာ ဖြေရှင်းနည်းကို ရေးပြထားတာ မှတ်သားစရာပါ။ ခေါင်းစဉ်က 'ပြဿနာကို ရင်ဆိုင် သည်းခံစိတ်ဖြင့် ဖြေရှင်း' တဲ့။
'သည်းခံခြင်းသည် လောကီ၊ လောကုတ္တရာ နှစ်ဌာနစလုံးတွင် အလေးအမြတ် ပြုအပ်သော ကိုယ်ကျင့်တရား တစ်ခု ဖြစ်သည်။ ကိုယ်ကျင့်တရား ဟူသည် ကျင့်ကြံရသော တရားဖြစ်၍ သည်းခံခြင်းသည် ပါရမီ နည်းပါးသူများ အဖို့ ကျင့်ကြံ အားထုတ်ခြင်း ဖြင့်သာလျှင် မွေးမြူရသော စိတ်ပိုင်းဆိုင်ရာ ခံယူချက် ဖြစ်သည်။
သည်းခံခြင်းနှင့် ဆန့်ကျင်ဘက် ရန်လိုခြင်း ရန်ပြုခြင်းတို့သည် ဖျက်ဆီးလိုစိတ်၏ စေ့ဆော်ချက်ကြောင့် ပေါ်ပေါက်လာခြင်း ဖြစ်သည်။ ဖျက်ဆီးလိုစိတ်၏ ဆန့်ကျင်ဘက်မှာ ငြိမ်းချမ်းရေးစိတ် ဖြစ်သည်။ သည်းခံစိတ်၏ အကျိုးရလဒ်သည် ငြိမ်းချမ်းရေးကို ဖြစ်ထွန်းစေသည်။ လောကတစ်ခွင် ငြိမ်းချမ်း သာယာရေး အတွက် သည်းခံခြင်း တရားသည် အလိုအပ်ဆုံး ဖြစ်သည်။ သို့ရာတွင် ပြဿနာနှင့် ရင်မဆိုင်ဘဲ ရှောင်ထွက်သွားပြီး သည်းခံခြင်းမျိုးထက် မြတ်ဗုဒ္ဓ လက်တွေ့ပြသ သွားသော ပြဿနာနှင့် ရင်ဆိုင်ပြီး ငြိမ်းချမ်းရေး ရအောင် လုပ်ဆောင်ခြင်းက သာလွန်၍ မွန်မြတ်ကြောင်း အလေးအနက် နှလုံးသွင်းအပ်သည်။ (အတွေးအမြင်-၁၅၄၊ ဧပြီ၊ ၂၀၀၂)'
ဆရာ ဒဂုန်တာရာရဲ့ 'နိုင်ငံရေးလုပ်တယ်ဆိုတာ…' သဘောထားနှင့် ဆက်စပ်၍ တွေးစရာများကို တင်ပြလိုက်ခြင်း ဖြစ်ပါတယ်။
မောင်ဝံသ
