မြေအောက်လျှို့ဝှက်ရေးလုပ်ငန်း ၏ လမ်းညွှန် (ကွန်မြူနစ် ပါတီ-ဗမာပြည်)

အောက်ဖော်ပြပါ လမ်းညွှန်စာတမ်းသည် ဗမာပြည်ကွန်မြူနစ်ပါတီက ထုတ်ဝေသော လမ်းညွှန်စာတမ်းဖြစ်ပါသည်။ မြေအောက်လုပ်ငန်းများ တာဝန်ထမ်းဆောင်နေသော မည်သည့် ရဲဘော်မဆို သိသင့်၊ လေ့လာသင့်သော အချက်အလက်များ ပါရှိသည် ဟု မိမိ ယူဆပါသည်။ ဒီမိုကရေစီနှင့် လူ့အခွင့်အရေး၊ အမျိုးသားလွတ်မြောက်ရေး တို့ အတွက် စစ်အာဏာရှင်စနစ် အမြစ်ပြတ် သုတ်သင်နိုင်ရေး လုပ်ငန်းများတွင် စွန့်လွှတ် တာဝန်ထမ်းဆောင်လျက်ရှိနေကြသော မြေအောက် ရဲဘော်များ၊ မြေအောက်လုပ်ငန်း များတွင် စိတ်ပါဝင်စားသူများ အနေဖြင့် ရှင်းလင်း လွယ်ကူစွာ ရေးသားထားသည့် ဤ လမ်းညွှန်စာတမ်းက အထောက်အကူပြုမည် ဟု မိမိ ယုံကြည်မိပါသည်။

မူလစာမူ ပိုင် အဖွဲ့အစည်းအားလည်း ခွင့်ပြုချက် ရယူခြင်းမရှိပဲ ထပ်ဆင့် ဖြန့်ဝေခြင်း အပေါ် နာလည်ခွင့်ပြုပေးပါရန် မေတ္တာရပ်ခံပါသည်။

ဗမာပြည် ကွန်မြူနစ်ပါတီ

မြေအောက်လျှို့ဝှက်ရေးလုပ်ငန်း၏

လမ်းညွှန်

မာတိကာ

■ မြေအောက် လျှို့ဝှက်ရေး လုပ်ငန်း (ယူဂျီ)

■ ယူဂျီ သဘောသဘာဝ နှင့် တာဝန်များ

■ ပါတီအဖွဲ့အစည်းများ ထူထောင်ခြင်း

■ လက်တွေ့လုပ်ငန်းပိုင်းတွင် ဂရုစိုက်ရမည့် အချက်များ

■ တိုက်ပွဲဆင်ရာတွင် ကျင့်သုံးရမည့် မူများ

■ တိုက်ပွဲ နည်းပရိယာယ်များ

■ ယူဂျီ စည်းကမ်း နှင့် စနစ်

■ သတိပြုရမည့် အချက်များ

■ ယူဂျီရဲဘော်များ ဖြည့်ဆည်းထားရမည့် အချက်များ

■ ရန်သူ ကျင့်သုံးလေ့ရှိသည့် နည်းပရိယာယ်များ

(၁)

မြေအောက်လျှို့ဝှက်ရေးလုပ်ငန်း (ယူဂျီ)

ဒီမိုကရေစီ အခွင့်အရေးမရှိသည့် အခြေအနေ၌ မိမိယုံကြည်ရာ နိုင်ငံရေးလုပ်ငန်းကို မြေပေါ်တွင် တရားဝင် ထင်ရှားပေါ်လွင်စွာ ဆောင်ရွက်နိုင်ခြင်းမရှိချေ။ ထို့ကြောင့် မြေအောက် လျှို့ဝှက်ရေးနည်းဖြင့် မိမိ၏ နိုင်ငံရေးလုပ်ငန်းကို ဆက်လက် ဆောင်ရွက်ရခြင်း ဖြစ်သည်။ အဓိကအားဖြင့် အောက်ပါ လုပ်ငန်းတာဝန်များကို လုပ် ဆောင်ကြရသည်။

၁။ ကွန်မြူနစ်ပါတီ၏ နိုင်ငံရေးလမ်းစဉ်ကို ဆောင်ရွက်ခြင်း နှင့် ၀ါဒဖြန့်ချိရေးလုပ်ငန်း။

၂။ စည်းရုံးရေးလုပ်ငန်း။

၃။ တပ်ပေါင်းစုလုပ်ငန်း။

၎။ လူထုလုပ်ငန်း။

အထွေထွေပေါ်လစီမှာ

၁။ မြေအောက်လက်ရွေးစင် ကေဒါများကို ရေရှည်မြှုပ်နှံရေး။

၂။ အင်အားများ စုဆောင်းရေး။

၃။ အခွင့်အခါကောင်းကို စောင့်ဆိုင်းရေး တို့ဖြစ်သည်။

(၂)

ယူဂျီ သဘောသဘာဝ နှင့် တာဝန်များ

ယူဂျီလုပ်ငန်းသည် ပါတီ၏ အလုပ်သမားလူတန်းစား အခြေခံမူကို တည်ဆောက်သည်။ ပါတီအဖွဲ့အစည်းကို လူ့အဖွဲ့အစည်းနှင့် အဆက်အသွယ်ယူကာ လူထု နှင့် တသားတည်း ဖြစ်စေသည်။ ယူုဂျီလုပ်ငန်းဆုံးရှုံးပါက အလုပ်သမား လူတန်းစား အခြေခံမူ တစတစ ဆုတ်ယုတ် လာခြင်း၊ လူထု နှင့် ကင်းကွာခြင်း၊ လူ့အဖွဲ့အစည်း နှင့် အဆက်အသွယ်ပြတ်ခြင်း တို့ ဖြစ်ပေါ်စေ သည်။

ထို့အပြင် မြေအောက်လုပ်ငန်းသည် လက်နက်ကိုင်တိုက်ပွဲ နှင့် လူထုတိုက်ပွဲ ကို ပေါင်း စပ်ခြင်း၊ လက်နက်ကိုင်တိုက်ပွဲ အတွက် ပြင်ဆင်ခြင်း၊ လုပ်ငန်းတို့ကိုလည်း လုပ်ကိုင်ပေသည်။

မြေအောက်လုပ်ငန်း စည်းရုံးရေးတွင် ထားရှိရမည့် လူတန်းစား အခြေခံမူ

စက်မှုအလုပ်သမားများကို အလေးထားချက်ဖြစ်ရမည်။ စက်မှုလုပ်ငန်းမရှိသော နေရာ တွင် လက်မှုလုပ်ငန်း အလုပ်သမားများ၊ ကျေးလက် လယ်ယာ အလုပ် သမားများ နှင့် ဆင်းရဲ နိမ့်ကျသော လယ်သမားများအား အင်အားသစ်အဖြစ် သိမ်းသွင်း ရမည်။ ပညာတတ်များဆိုလျှင် လူ့အဖွဲ့အစည်း၏ လူမှုရေးအခင်းများတွင် တက်တက်ကြွကြွ ရှိသူတို့ကို ရှာဖွေရန် ကြိုးစား ရမည်။

ပညာတတ်များအား ပါတီဝင်အဖြစ် သိမ်းသွင်းသည့်အခါ၌ ပါတီအဖွဲ့အစည်း ၏ သိပ်သည်းကျစ်လစ်မှုကို ပိုမို၍ ဂရုစိုက်ရမည်။ ပါတီပ မှ မိမိတို့အား စာနာ ထောက်ထားသည့် ပညာတတ်အမြောက်အများနှင့် ပတ်သက်၍မူ သူတို့နှင့် သင့်လျော် သော ဆက်သွယ်မှု ရှိရမည်။

ကြားအင်အားစုများ ကိုယ့်ဖက် ပါလာစေရန်လည်း ဂရုစိုက်သင့်ပြီး နည်းလမ်း ရှိသမျှ ကြိုးပမ်းရမည်။

မြေအောက်လုပ်ငန်း (ယူဂျီ)သည် ရန်သူ့နှလုံးသား နှင့် အနီးဆုံးနေရာတွင် လုပ်ရခြင်း ဖြစ်သည်။ ရန်သူက ဤ လုပ်ငန်းများအပေါ် အလွတ်မပေး အမြဲသတိ ထားနေမည်ဖြစ်သည်။ ကွန်မြူနစ်ဆိုလျှင် ပို၍ အလေးထားမည်မှာ ယုံမှားစရာမရှိပေ။ ထို့ကြောင့် ဤလုပ်ငန်းသည် အတိမ်းအစောင်းမခံသော အလုပ်ဖြစ်သည်။ ယူဂျီပုံစံ၊ ယူဂျီစနစ်၊ ယူဂျီစည်းကမ်း နည်းလမ်းများ အတိုင်း လုပ်ပါမှ အသက်ရှည်နိုင်ပေသည်။

ဥပမာ ~ ပါတီက တကြိုးတည်းစနစ် သို့မဟုတ် ထောင်လိုက်စနစ် ကျင့်သုံးရန် ညွှန် ကြားထားသည်။ သို့သော် ပါတီ၏ ယူဂျီသမိုင်းတွင် မကြာခဏ အစုလိုက် အပြုံ လိုက် ရန်သူက ဖော်ထုတ်နိုင်ခဲ့သည်များရှိခဲ့သည်။ “ထောင်လိုက်စနစ် မှားနေပြီလား?” မဟုတ်ပါ။ ချုပ်ကြည့် သော် ထောင်လိုက်စနစ် မကျင့်သုံး၍၊ အပျော်တမ်းဆန်နေကြ၍၊ ဝိုင်းကြီးပတ်ပတ်ဆက်ဆံကြ၍ ကျဆုံးသွားရသည်က အများစုဖြစ်၏။

အတွေ့အကြုံအချို့အရ ပြောရလျှင် ၄၈ ခုနှစ် မှ ၆၈ ခုနှစ်အထိ ရန်သူကျင့်သုံးသော နည်းတခုမှာ “တောထဲက မိလာသည့် စာရွက်စာတမ်း … တွေ ထဲမှာ စာရင်းပါနေလို့” ဟုဆိုကာ မြို့ပေါ်ရှိ ယူဂျီများကို အစုလိုက် အပြုံလိုက် ဖမ်းလေ့ရှိသည်။ ရန်သူ၏ ရည်ရွယ်ချက်မှာ တောထဲရှိ ခေါင်းဆောင်များအပေါ်၊ ပါတီအပေါ် စိတ်နာအောင်၊ နောင် တောနှင့် မဆက်ချင်၊ မဆက်ဆံရဲအောင် လီဆယ်ကြခြင်းသာဖြစ်သည်။ အမှန်မှာ ခပ်စောစောကတည်းက အကြောင်း အမျိုးမျိုး နှင့် ပေါ်သွားသည်များ၊ ဖော်ထုတ် သိရှိထားသည်များကို ကြိုးရှည်ရှည်နှင့် လှန်ထား၊ စောင့်ကြည့်ထားရာမှ လိုအပ်သောတချိန်ချိန်တွင် ကောက်ဖမ်းလိုက်ခြင်း သာဖြစ်သည်။

“တောတွင်း” မှ အရေးကြီး စာရွက်စာတမ်းများကို ရန်သူရရှိသွားခဲ့ခြင်းများ လည်း ရှိခဲ့ဖူးပါသည်။ တော်လှန်ရေးအတွက် ထိခိုက် နစ်နာမှုကြီးများလည်း ရှိခဲ့ဖူး သည်။ သို့သော် ဘယ်တုန်းကမျှ ယူဂျီစာရင်း (တန်းစီဇယား) ကို ရန်သူ မရဖူးပါ။ အင်္ဂလိပ် နယ်ချဲ့ ဆန့်ကျင် လှုပ်ရှားမှု နှင့် ဂျပန်ဖက်ဆစ် တော်လှန်ရေးများကို ဖြတ်သန်း ခဲ့ဖူးပြီး၊ ယူဂျီအတွေ့အကြုံ အများ အပြားရှိနေသော ပါတီတစ်ရပ်အဖို့ ဤမျှ ရိုး အ ထုံထိုင်းစွာ ယူဂျီစာရင်းစာရင်းဇယားပြုစုပြီး ထိန်းသိမ်းထားမည်မဟုတ်ကြောင်းကို သာမန် စဉ်းစားဉာဏ်ရှိသူများပင် သိနိုင်ပါသည်။ သို့သော် ရန်သူသည် နယ်ချဲ့ အမေရိကန်ဂိုဏ်း၏ စိတ်ဓာတ်စစ်ဆင်ရေး ကျောင်းထွက်များ ပီပီ “စိတ် ဓာတ်စစ်ဆင် ရေး” ကို လုပ်မြဲလုပ်နေမည်သာဖြစ်သည်။

ရေရှည်လုပ်ငန်းအတွင်းတွင် အသွေးအရောင် ပြောင်းသွားကာ လက်နက်ချ သစ္စာ ဖောက်သွားသော ယူဂျီ တာဝန်ခံများ လည်း ရှိခဲ့သည်။

ထို့်ကြောင့်ပင်လျှင် ယူဂျီကေဒါ ရွေးချယ်ရာတွင် နိုင်ငံရေးရပ်တည်မှု၊ တော်လှန်ရေး အသိစိတ်ဓာတ်၊ တော်လှန်ရေး လုပ်ဟန်၊ သံမဏိစည်းကမ်း လိုက်နာမှုတို့ကို အလေးထားပြီး စိစစ် ရွေးချယ်ခြင်းဖြစ်သည်။

ဤသို့ရွေးချယ်သည့်အတွင်းမှပင် စုန်းပြူးများ ပါလာနိုင်သေးသည်။ အဆိုးဆုံးကား ရန်သူက မိမိအတွင်းသို့ သွင်းပေးလိုက်သော “နှစ်ဖက်ချွန်” သူလျှိုများ ပါလာခြင်း ဖြစ်သည်။ ထို့ကြောင့် ယူဂျီနည်းစနစ်ကို အတိအကျ လိုက်နာရန် တောင်းဆိုရခြင်း ဖြစ်သည်။

အပျော်တမ်းဆန်ခြင်း၊ မိမိ၏ စိတ်ဆန္ဒဖြင့် ပေါ်လစီကို အစားထိုးခြင်း၊ စိတ်ဓာတ် တက်ကြွနေလျှင် မိုးထိုးတော့ မယောင်ဖြစ်၊ စိတ်ဓာတ်ကျလျှင် ဇောက်ထိုးဆင်း၊ ဤကဲ့သို့ ကယိမ်းကယိုင် ဖြစ်ခြင်းများကို ပြတ်ပြတ်သားသား ဆန့်ကျင်ရမည်။

စက်မှု သိပ္ပံဆိုင်ရာ လုပ်ငန်းကြီးများတွင် အရေးပေါ် စနစ်များ၊ အန္တရာယ် ကာကွယ ရေးစနစ်များ ရှိရသလို၊ လူမှု တော်လှန်ရေး သိပ္ပံဆိုင်ရာ လုပ်ငန်းကြီးဖြစ်သည့် ပြည်သူ့ ဒီမိုကရေစီတော်လှန်ရေး လုပ်ငန်းကြီးတွင်လည်း အရေးပေါ်စနစ်၊ အန္တရာယ် ကာကွယ်ရေးစနစ် များ ပို၍ပင် လိုအပ်ပေသည်။

လူမှုလောကတွင် အခြေအနေများသည် ပြောင်းလဲမှုမြန်ဆန်သည်။ အခြေ အနေ အပြောင်းအလဲကို လိုက်၍ သန်းပေါင်းများစွာသော ပြည်သူတို့၏ စိတ်ဓာတ် ပြောင်းလဲနေသည်။ အတက်အကျရှိသည်။ ပြည်သူများနှင့် အတူပင်လျှင် ထောင်ပေါင်း များစွာသော တော်လှန်ရေး သမားများ၏ စိတ်ဓာတ်သည်လည်း အတက်အကျ ရှိကြပေမည်။ လူမှုတော်လှန်ရေးကြီး တရပ် သည် နျုကလီးယား ဓာတ်ပေါင်းဖိုတခုထက် အဆပေါင်းများစွာ ကြီးမား ကျယ်ပြန့်ပြီး ရှုပ်ထွေး သည်။ အရေးပေါ်စနစ်၊ ကာကွယ်ရေး စနစ်များ ရှိရမည်။ အပျော်တမ်း ဆန်၍မရ။ စည်းစနစ်များ မကျိုးပေါက်အောင် ထိန်း သိမ်းထားရမည်။

“ကိုယ့်အချင်းချင်းမှ မယုံလျှင် ဘယ်သူ့ယုံမလဲ”

“ကိုယ့်အထဲမှ မပြောရလျှင် ဘယ်သွားပြောရမလဲ”

“အားလုံးကို အသိပေးမှ ပြည့်ပြည့်စုံစုံ စဉ်းစားနိုင်မှာပေါ့” ဟူသော စကားများ သည် ယေဘုယျ အမှန်တရားများ ဖြစ်သည်။ သို့သော် ယူဂျီ လုပ်ငန်းတွင် ချသုံး၍ မဖြစ်ပေ။ နိုင်ငံရေး အတွေးအခေါ် တည်ဆောက်ရေးတွင်မူ အသုံးပြုနိုင်သည်။

နယ်ချဲ့ဆန့်ကျင်ရေး၊ ဖက်ဆစ်ဆန့်ကျင်ရေးကာလက ယူဂျီလုပ်ငန်း အတွေ့ အကြုံ များကိုပင် ပြည်သူ့ဒီမိုကရေစီ တော်လှန်ရေးကာလအတွက် “ပုံသေချသုံး” ၍ မဖြစ်နိုင်ပေ။

အခြေအနေနှင့် အချက်အလက်များ ကွာခြားနေသည်ကို ထည့်တွက်ရပေမည်။ နယ်ချဲ့ သမားများ၊ ဖက်ဆစ်များသည် ပြည်ပမှ ဖြစ်သည်။ ပြည်တွင်းတွင် ၎င်းတို့ ၏ နိုင်ငံရေး၊ စီးပွားရေး၊ လူမှုရေး အုတ်မြစ်သည် နှိုင်းယှဉ်ချက်အားဖြင့် ကျဉ်းမြောင်း သည်။

နယ်ချဲ့ဖက်ဆစ်တို့နှင့် နှိုင်းစာလျှင် ပြည်တွင်းအုပ်စိုးသူ ဖောက်ပြန်ရေးအစိုးရများ၏ အုတ်မြစ်သည် ကျယ်ပြန့်သည်။ တစုံတရာ နက်ရှိုင်းသည်။

ဤသည်ကို အသိအမှတ်ပြုပြီး ယူဂျီစည်းကမ်းကို ပို၍ တင်းကျပ်ရမည်။ ဖက်ဆစ် တော်လှန်ရေးကာလက လုပ်ဟန်မျိုးကိုပင် အစိမ်းလိုက် ကူးယူအသုံးချ၍မဖြစ်ပေ။

ထိုစဉ်က အခြေအနေ နှင့် အချက်အလက်မျိုးလည်း ယခုမျက်မှောက်တွင်မရှိ ပေ။

၁၉၆၈ နောက်ပိုင်းတွင် ရန်သူက လုပ်နည်းကိုင်နည်းတချို့ ပြောင်းလဲလာခဲ့သည်။ အရေးပါသည့် မြေအောက် ခေါင်းဆောင် တဦးဦးမိမှ ကျန် တပြုံလုံးကို ဖမ်းပါသည်။ “ခေါင်း ဆောင်လုပ်သူက ရိုက်တောင်မရိုက်ရသေးဘူး၊ အကုန်ဖော်တာပဲ” ဆိုပြီး လေသံလွှင့်ပါတော့ သည်။ ရန်သူ၏ ရည်ရွယ်ချက်မှာ အတူတူပင်ဖြစ်သည်။

ယူဂျီများသည် ရန်သူ့ဘက်မှ ပြောင်းလဲလာသော နည်းပရိယာယ်များကို မျက်ခြေ မပြတ်ဖို့ အရေးကြီးသည်။ ရန်သူထုတ်လွှင့်သော သတင်းများကို စိစစ်မှုရှိရှိ နားထောင်ရမည်။ အာဏာရှိနေသူဖြစ်၍ ရန်သူသည် ဝါဒဖြန့်ယန္တယားကိုသုံးကာ စိတ်ကြိုက်အကွက်ဆင်ပြီး အစီ အစဉ်ရှိရှိ လုပ်နေသည်။

ယခုအချိန်တွင် စစ်ထောက်လှမ်းရေးသည် အရာရာ လွှမ်းမိုးတွင်ကျယ် လာခဲ့ပြီဖြစ် သည်။ စစ်တပ် အုပ်စိုးသူများ၏ နိုင်ငံရေးအခန်းကဏ္ဍကို ပြည်သူများက လုံးဝ ဥဿုံ မျက်ကွယ် ပြုခဲ့ပြီးဖြစ်သည်။ စစ်အစိုးရအနေဖြင့် နိုင်ငံရေးလှည့်ကွက်လုပ်ပြီး ပြည် သူကိုလှည့်စားဖို့ထက် ဗြောင် ခြိမ်းခြောက် အကြပ်ကိုင်ဖို့သာ ပိုပြီး လုံးပမ်းနေရသည်။ တိုင်းပြည်ကို ထောက်လှမ်းရေး လက် ၀ကွက်အပ်ထားရသလို အခြေအနေမျိုး ဖြစ်နေသည်။ ထောက်လှမ်းရေးကလည်း သူ့အနေ အထား ခိုင်ခံ့ရလေအောင် ဖွဲ့စည်းပုံအသစ်များ (အချင်းချင်း တဦးကိုတဦး မယုံ၍ တန်ပြန် ထောက်လှမ်းရေး အဆင့်ဆင့်) ဖြင့် ကျားကန် နေရချိန်ဖြစ်သည်။

ထို့ကြောင့် သူတို့သည် ရက်စက်ယုတ်မာ၊ လိမ်ညာကောက်ကျစ်သော နည်းလမ်း မျိုးစုံ ကို တဆင့်တိုး၍ သုံးလိမ့်မည်။

ဤ အချက်ကို ယူဂျီရဲဘော်များ အမြဲသတိရှိရပေမည်။

(၃)

ပါတီအဖွဲ့အစည်းများ ထူထောင်ခြင်း

ပါတီအဖွဲ့အစည်းများ ထူထောင်ရာတွင် ရှေးဦးစွာ လူထုနှင့် တသားတည်း ဖြစ်နေသော ရဲဘော်များကို ရှာဖွေဖို့လိုသည်။ ပါတီအဖွဲ့အစည်းများအတွက် အခြေခံတရပ်ကို စတင် ထူထောင်သည့်ကိစ္စတွင် လူဟောင်းကိုဖြစ်စေ၊ အင်အားသစ်ဖြစ်စေ အရေအတွက် များများ ရှာဖွေရန် အဓိကမဟုတ်ပဲ အရည်အချင်းကို အလေးထားရမည်။

ဆက်သွယ်သူတိုင်း၏ ပါဝင်ရာအခန်းကဏ္ဍနှင့် ၎င်းတို့ ထမ်းဆောင်မှုကို အသေအချာ စိတ်ချရအောင်လုပ်ရမည်။

ကေဒါ ခရိုင်နှင့် ညီမျှသော အဆင့်များရှိ ခေါင်းဆောင်မှုနေရာကို ပုံမှန် အလုပ်အကိုင် ရှိသော ရဲဘော်များက ကိုင်တွယ်ရမည်။ ကော်မတီသည် လူထုနှင့် မကင်းကွာစေရန်၊ စွမ်းရည်မဲ့မှု မဖြစ်စေရန် ဤသို့သော နည်းများဖြင့်သာ အာမခံနိုင်သည်။

ခရိုင်ကော်မတီများ ရှိရမည်။

မြို့နယ်ကော်မတီများ ရှိရမည်။

၎င်းအဖွဲ့အစည်းများအောက်တွင် ပါတီခွဲများ ရှိရမည်။

မြို့နယ် နှင့် ခရိုင်ကော်မတီများ မထူထောင်ရသေးသော ဒေသများ၌ နှိုင်းယှဉ်ချက် အရ ပိုမို ခိုင်မာ တောင့်တင်းသော အဖွဲ့ခွဲများ၏ လုပ်ငန်းများကို ညွှန်ကြားရန် အတွက် အထူးအဖွဲ့ခွဲ အဖြစ် တာဝန်အပ်နှင်း သတ်မှတ်နိုင်သည်။ အထူးအဖွဲ့ခွဲကိုပင် မဖွဲ့နိုင်သေးပါက စည်းရုံးရေး တာဝန်ခံကို အထက်အဖွဲ့အစည်းမှ ခန့်အပ်ရမည်။

သော့ချက်ကျသော ခရိုင် နှင့် မြို့နယ်များရှိ ပါတီကော်မတီများသည် အိမ်နီး နားချင်း ခရိုင် နှင့် မြို့နယ်များရှိ ပါတီအဖွဲ့အစည်းများအား လမ်းညွှန်မှု ပေးရမည်။

ရန်သူ့အဖွဲ့အစည်းအတွင်း မိမိလူများကို အပျံ့အနှံ့ ၀င်ရောက်နေစေရမည်။

ပါတီဝင်များ ကလာပ်စည်း တခုမှ အခြား ကလာပ်စည်းတခုသို့ ပြောင်းရွှေ့ရာတွင် ထောက်ခံစာ တစုံတရာ ပါမသွားစေရ။ ကိုယ့်အကြောင်း ဖော်ပြသည့် မည်သည့် စာရွက်စာတမ်းမျှ မသယ်ဆောင်ရ။

ရန်သူ့ဖိအား ပြင်းထန်နေသည့် အခြေအနေ၊ မိမိအင်အား ဆုံးရုံးနေသည့် အခြေအနေ နှင့် လုပ်ငန်းပြန်လည်ထူထောင်ရေး

ရန်သူက နောက်ဆုံးပိတ် ဥသြဆွဲလိုက်သည့်အချိန် …

ရန်သူ့အုပ်စိုးမှုအောက်ရှိမြို့ကြီးများအားလုံးမှ အရောင်အသွေးပေါ်နေသူများ အားလုံး သည် စနစ်တကျ ဆုတ်ခွာရမည်။ ပါတီဝင် ဟုတ်သည်ဖြစ်စေ၊ မဟုတ်သည် ဖြစ်စေ၊ ရန်သူက သိသွားသော၊ ရန်သူက စောင့်ကြည့်ခြင်းခံရသူများသည် လက်ရှိ နေရာမှ ခွာကာ လွတ်မြောက် ရာသို့ ဆုတ်ခွာရန် နည်းလမ်းရှာရမည်။ ရန်သူ၏ လှုပ်ရှား မှု ပြီးဆုံးသွားမှသာ လုပ်ငန်းများကို တလှမ်းချင်း ပြန်စရမည်။

ခြေမှုန်းခံလိုက်ရသော အဖွဲ့အစည်းများတွင် အလျင်စလို အစားထိုးခြင်း မပြုရ။ သစ္စာ ဖောက်ပေါ်ထွက်ခဲ့သော အဖွဲ့အစည်းများ နှင့် ယာယီ အဆက်အသွယ် ဖြတ်ထားပြီး၊ အခြေ အနေများ ရှင်းလင်းသွားပြီးမှ လိုအပ်သလို လုပ်ဆောင်ရမည်။

(၄)

လက်တွေ့လုပ်ငန်းပိုင်းတွင် ဂရုစိုက်ရမည့်အချက်များ

မြေအောက်လုပ်ငန်းတွင် ကွန်မြူနစ်ပါတီက ၀ါဒဖြန့်ချိရေး နှင့် စည်းရုံးရေး လုပ်ငန်းများ လုပ်ရာတွင် လောကြီးသည့် အရဲစွန့်သည့် ပေါ်လစီကို မကျင့်သုံးရ။ မပေါက်ကြားစေရန် လုပ်ဆောင်ရမည်။

* တိုက်ပွဲဆင်ရာတွင် အခြေခိုင်ခိုင် နှင့် ခြေလှမ်းမှန်မှန် တိုက်ပွဲဆင်ရန် လို သလို စည်းရုံးရေးတွင်လည်း အခြေခိုင်ခိုင် ခြေလှမ်းမှန်မှန် နှင့် အင်အား စုဆောင်း သွားရမည်။

· ယူဂျီလုပ်ငန်းတွင် တပ်ပေါင်းစုစည်းရုံးရေး ၏ အခြေခံလမ်းညွှန်မှာ …

* တိုးတက်သည့်အင်အားများ ကြီးထွားစေရန် ဆောင်ရွက်ခြင်း၊ ပါတီအဖွဲ့ အစည်းများ နှင့် လူထုလှုပ်ရှားမှု များ ဖြစ်ထွန်း တိုးပွားစေခြင်း။
* ကြားနေအင်အားစုများကို သိမ်းသွင်းခြင်း။
* ရန်သူ ခေါင်းမာ အင်အားစုကို အထီးတည်းဖြစ်စေခြင်း တို့ ဖြစ်သည်။ စစ် အစိုးရကို အထီးကျန် တကောင်ကြွက်ဖြစ်စေပြီး ပြည်သူ့ဒီမိုကရေစီ အင် အားစုများ အခြေအနေကောင်းလာစေရန် ကြိုးပမ်း ဆောင်ရွက်သွားရမည်။
* ပြည်တွင်းစစ်၊ စစ်အာဏာရှင်စနစ် နှင့် ထောက်လှမ်းရေးတို့၏ ရက်စက်မှုကို ဆန့်ကျင်သော ကျယ်ပြန့်သည့် တပ်ပေါင်းစုကို ဖွဲ့စည်းရန် ကြိုးပမ်းသွားရ မည်။
* ရန်သူ ၏ ဖိနှိပ်ရေးပေါ်လစီများကို တန်ပြန် တွန်းလှန်ရာတွင် မိမိတို့၏ ၀ါဒဖြန့်ချိရေး အ၀န်းအ၀ိုင်းကို တိုးချဲ့နိုင်ရမည်။ ရန်သူ ၏ ဖောက်ပြန်သော လုပ်ရပ်များ နှင့် အကြမ်းဖက်သော လုပ်ရပ်များကို အစွမ်းကုန်ဖွင့်ချပြီး ပြည် တွင်းမှာရော ပြည်ပမှာပါ ၎င်းတို့ကို လူသိရှင်ကြား ထုတ်ဖော်ကြေညာရမည်။
* ရန်သူ့ဒေသ ယူဂျီလုပ်ငန်းတွင် အခွင့်အခါကောင်း နှင့် အချိန်အခါ ကောင်း ဟူသည်မှာ အခြေအနေ အလိုက် နေရာဒေသအလိုက် အမျိုးမျိုးအဖုံဖုံ ရှိနိုင်သည်။
o အချို့ဒေသအတွက်ဆိုလျှင် လက်နက်ကိုင် တပ်များနှင့် ပေါင်းစပ် လှုပ်ရှားနိုင်သော အခြေအနေသည် အချိန်အခါကောင်း ဖြစ်ချင် ဖြစ်မည်။
o အချို့ဒေသတွင် လက်နက်ကိုင်တိုက်ပွဲအဆင့်သို့ မြှင့်တင်ပြီး ရန် သူကို ထိုးနှက် တိုက်ခိုက်နိုင်သော အချိန်ကို အချိန် အခါကောင်း ဟု သတ်မှတ် သင့်သည်။
o အချို့ဒေသအတွက်ကား လူထုတိုက်ပွဲအရှိန်ကို မြှင့်တင်ပြီး ရန်သူ့ အုပ်စိုးမှု ယန္တယားကို သွက်ခြာပါဒ လိုက်စေခြင်းဖြင့် ပြည်သူ့ တိုက်ပွဲကို အခွင့်သာစေနိုင်သော အချိန် ဖြစ်ချင်ဖြစ်မည်။

အခွင့်အခါကောင်း နှင့် အချိန်အခါကောင်းသို့ ရောက် မရောက် ဆိုသည် ကို အထက် သက်ဆိုင်ရာ အဖွဲ့အစည်းကသာ ဆုံးဖြတ် သတ်မှတ်ပေး ရမည်။

* ယူဂျီလုပ်ငန်းသည် ဒေသလက္ခဏာဆောင်သော သို့မဟုတ် တပြည်လုံး လက္ခဏာဆောင်သော မည်သည့် ရုတ်တရက် ဖြစ်ပွားနိုင်ဖွယ်ရာ အရေး အခင်းများကိုမဆို ရင်ဆိုင်နိုင်ရန် ပြည့်စုံစွာ ပြင်ဆင်ထား ရမည်။
* ခရိုင်ကော်မတီ၊ မြို့နယ်ကော်မတီ … အစရှိသည့် အဆင့်ဆင့် ကော်မတီဝင် များ မှ သာမန် ရဲဘော်အထိ တင်းတင်းကျပ်ကျပ် စေ့စေ့ စပ်စပ် စိစစ် ရမည်။ သံသယ ဖြစ်ဖွယ်ကောင်းသူ တဦးယောက်မျှ ရှိနေခွင့် မပြုနိုင်။
* အထက်မှ စုစည်းချုပ်ကိုင်သော ခေါင်းဆောင်မှုစနစ်ကို တင်းတင်း ကျပ်ကျပ် လိုက်နာရမည်။ မည်သည့်ခြွင်းချက်မျှ မရှိစေရ။
* အထက်အဖွဲ့အစည်း နှင့် အောက်အဖွဲ့အစည်းကို ခွဲခြားထားရမည်။
* မြို့ပြလုပ်ငန်း နှင့် ကျေးလက် လုပ်ငန်း ကို ခွဲခြားထားရမည်။
* မြေအောက်လုပ်ငန်းတွင် လုပ်ကိုင်သော ကေဒါများအား ဂရုတစိုက် ရွေး ချယ်ရမည်။
* အရေးကြုံလာပါက အစားထိုးနိုင်ရန် အရံ ဖွဲ့စည်းမှုများ စီစဉ်ထားရ မည်။
* သိသိ မသိသိ အခြား ယူနစ်တခု ၏ ခြေလှမ်းသည် မိမိ ယူနစ် ၏ ကြံရွယ် ချက်ကို ထိခိုက်နေလျှင် အထက်သို့ အစီရင်ခံရမည်။
* ယူဂျီကာလတွင် ချုပ်ကိုင်မှုက ပထမ၊ ဒီမိုကရေစီက ဒုတိယ ဆို သည်ကို မမေ့ပါနှင့်။
* တဦးချင်းဆက်သွယ်သည့် ခေါင်းဆောင်မှုစနစ် (ထောင်လိုက် စနစ်) ဖြင့် လုပ်ကိုင်ရမည်။
* ခေါင်းဆောင် အဖွဲ့အစည်းများအား ကာကွယ်ဖို့ အထူး ဂရုစိုက်ရ မည်။
* ကွန်မြူနစ်အဖွဲ့အစည်းဆိုသည်မှာ ရန်သူ၏ အဓိကပစ်မှတ်ဖြစ်သည် ဆိုခြင်း ကို မမေ့ပါနှင့်။ ခေါင်းဆောင်အဖွဲ့များသည် အလွန် ဖုံးဖုံးဖိဖိ နေကြရမည်။ အစည်းအဝေး နည်းရမည်။ မကြာခဏ ဆိုသလို ဆက်သွယ်မှုကို အချိန်အခါ အခြေအနေ တင်းကျပ်လာ သည်နှင့်အမျှ လျှော့ချရမည်။
* လုံခြုံရေး နှင့် အလုပ်ဖြစ်မြောက်ရေးကို မှန်မှန်ကန်ကန် ပေါင်းစပ် ပေးနိုင်ရ မည်။
* ကေဒါများသည် သူတို့ကိုယ် သူတို့ လူထုအတွင်း၌ မြှုပ်နှံထား နိုင်ရမည်။ လူထုတိုက်ပွဲများကိုလည်း ခေါင်းဆောင်နိုင်စွမ်း ရှိရမည်။
* တိုးတက်ဖြစ်ပေါ်လျက်ရှိသော အခြေအနေကို မျက်ခြေမပြတ် စောင့် ကြည့် ရမည်။
* အထွေထွေ အခြေအနေကို ခွဲခြမ်းစိတ်ဖြာရန် နှင့် လမ်းညွှန်မှုများ ပေးနိုင်ရန် ပိုမို ကြိုးပမ်းကြရမည်။
* ပြည်တွင်းသာမက နိုင်ငံတကာ ယူဂျီလုပ်ငန်းများအကြောင်း လေ့လာထား နိုင်လျှင် ပိုကောင်းသည်။

(၅)

တိုက်ပွဲဆင်ရာတွင် ကျင့်သုံးရမည့် မူများ

* ဥပဒေ အမိန့် နှင့် ဓလေ့ထုံးစံများက ခွင့်ပြုသည့် ဘောင်အတွင်း၌ အတိအလင်း တိုက်ပွဲ ၀င်ခြင်း အပါအ၀င် နည်းမျိုးစုံဖြင့် တိုက်ပွဲဝင်ရမည်။
* တိုက်ပွဲဝင်ရာတွင်

၁။ အကြောင်းအချက် ခိုင်လုံရမည်။

၂။ အကျိုးအမြတ် ရှိရမည်။

၃။ အကန့်အသတ် ရှိရမည် … ဟူသော မူကို လက်ကိုင်ပြု ထားရမည်။

တလှမ်းပြီးတလှမ်း ပိုင်ပိုင်နိုင်နိုင် လုပ်သွားရမည်။ ရန်သူကို ဆန့်ကျင်ရန် အတွက် လူထု ကို စည်းရုံးလှုံ့ဆော်ရာတွင် ပါတီပေါ်လစီကို စွဲကိုင်လွှင့်ထူထားသည့် တချိန်တည်းမှာ ပင် ဥပဒေတွင်းတိုက်ပွဲ နှင့် ဥပဒေပ တိုက်ပွဲကို ယခု ပေါင်းစပ်လိုက်၊ ယခု ခွဲခြားလိုက် ဖြင့် ပျော့ပျော့ပြောင်းပြောင်း လုပ်ဆောင်တတ်ရမည်။ အုတ်အုတ်ကျက်ကျက် တိုက် စည်တိုက်မောင်းနှက်၍ ဇွတ်တိုးသည့်နည်းဖြင့်လုပ်လျှင် မည်သည့်အခါမျှ အောင်မြင်နိုင် လိမ့်မည် မဟုတ်ပေ။

* မြေအောက်လုပ်ငန်းတွင် မိမိကိုယ်မိမိ ကာကွယ်သော သေနင်္ဂဗျူဟာ ချမှတ် ထားရမည်။
* မြေအောက်လုပ်ငန်းတွင် ပါတီ နှင့် တကွ ဒီမိုကရေစီအင်အားစုများ၊ တိုးတက် သော အင်အားစုများကို ကာကွယ်ရမည်။ ဤနည်းဖြင့် ပြည်သူ့ဒီမိုကရေစီ အရေးတော်ပုံ ကို တွန်းတင်ရန်ဖြစ်သည်။ ထို ရည်ရွယ်ချက် အောင်မြင်စေရန် ပိုင်းဖြတ်မှု ရှိရမည်။ ရဲဝန့်မှု ရှိရမည်။ တချိန်တည်းတွင် နိုးကြားသတိရှိပြီး ဆင်ဆင်ခြင်ခြင် လုပ်ဆောင်ရမည်။
* ယူဂျီရဲဘော်များသည် ၀မ်းရေးအတွက်ရော၊ မိမိကိုယ်မိမိ ကာကွယ်ရန်ပါ အလုပ် အကိုင်ရှိရမည်။ (အခြေခံမဲ့သူ သို့မဟုတ် အလုပ်အကိုင်မရှိသူတို့ကို ခွင့်ပြုထားလေလေ ပါတီအဖွဲ့အစည်းများသည် လူ့အဖွဲ့အစည်း နှင့် အဆက်ပြတ်နေသော အ၀န်းအ၀ိုင်း ငယ်လေး တခုအဖြစ် ကန့်သတ် တည်ရှိခံရလေလေ ဖြစ်ပေလိမ့်မည်။ ထိုသို့ဖြစ်ပါက ပါတီအဖွဲ့အစည်းသည် လူ့အဖွဲ့အစည်းအခြေခံ၊ လူတန်းစားအခြေခံတို့ကို တည် ဆောက်နိုင်မည် မဟုတ်ပေ။)
* ရန်သူ့စစ်သားများအား သိမ်းသွင်းရေး လှုပ်ရှားမှု လုပ်ရမည်။ ကာကွယ်ရေး တပ်တွင်း လုပ်ငန်းလည်း ရှိရမည်။
* ဒီမိုကရေစီ အသင်းအဖွဲ့များ၊ လူထုအဖွဲ့အစည်းများ အရေးပါသော တိုးတက် သူများ နှင့် ဆက်သွယ်ရာတွင် ၎င်းတို့၏ လုံခြုံရေးအနေအထားကို အထူး ထောက်ထားရမည်။ ဗဟို ၏ တာဝန်ပေးချက်အရ လုပ်ရမည်။ ဗဟိုသို့ တင်ပြပြီး သဘောတူချက်ယူကာ ဆောင်ရွက်ရမည်။

(၆)

တိုက်ပွဲ နည်းပရိယာယ်များ

လူထုတိုက်ပွဲသည် ဆုံးရှုံးမှုများကို ရှောင်ရှားနိုင်ခြင်း ရှိ မရှိ ဆိုသည်မှာကား ကျွန် တော်တို့၏ ဦးဆောင်လမ်းညွှန်မှု၊ မည်သည့် နည်းပရိယာယ်များကို ချမှတ်သည် ဆိုသည် နှင့် ကျွန်တော်တို့၏ အင်အားများကို မည်သို့ကောင်းအောင် စည်းရုံးစုဖွဲ့သည် ဆိုသော အချက်များ တွင် မူတည်လိမ့်မည်။

ယူဂျီလုပ်ငန်း၌ လူထုကြီးကို စည်းရုံးပြီး ရန်သူအား တိုက်ပွဲဆင်ရာတွင် …

* ခေါင်းအေးအေးထားကာ ပျော့ပျောင်းသော နည်းပရိယာယ်များကို ကျင့်သုံးရမည်။ လူထု အပေါ် မှီခိုရမည်။ အရဲစွန့်ဝါဒအမှားကို ရှောင်ရမည်။
* ကြားအင်အားစုများ လက်မခံကြသေးသည့် ကြွေးကြော်သံများ မတင်ရ။
* တိုးတက်သူ အနည်းစုကို စည်းရုံးမိယုံမျှဖြင့် ရန်သူ၏ တိုက်ခိုက်မှုများကို ထိပ်တိုက် ရင်ဆိုင် ခြင်း မပြုရ။
* အခွင့်မသာသော အခြေအနေများအောက်တွင် ထိပ်တိုက်ရင်ဆိုင်မှုများကို ရှောင်ပါ။
* ဥပဒေတွင်း နည်းလမ်းများကို အသုံးချကြရမည်။
* ရန်သူ၏ အားအနည်းဆုံးနေရာများကို ရှာဖွေပြီး ပြင်းပြင်းထန်ထန် ထိုးနှက်ကြရမည်။
* အချိန်အခါ နှင့် အခွင့်အခါကောင်း မဟုတ်ပါပဲလျက် လမ်းပေါ်ထွက် ဆန္ဒပြရန် လှုံ့ဆော်မြဲ လှုံ့ဆော်နေလျှင် အစုလိုက် အပြုံလိုက် သတ်ဖြတ်ဖမ်းဆီးခံရသော အန္တရာယ် ကျရောက် စေနိုင်သည်ကို သတိပြုပါ။
* အလုပ်သမား၊ ကျောင်းသားများ နှင့် ပြည်သူများ ၏ တိုက်ပွဲများမှာ အကန့်အသတ် များ မုချ ရှိနေသည်။ ဤ အကန့်အသတ်များကို လွန်ပြီး လုပ်ခွင့်မပြုနိုင်ပေ။ အချိန်အခါ မကျသေးပဲ အစိုးရဖြုတ်ချရေး ကြွေးကြော်သံဖြစ်စေ၊ အလားတူ အဓိပ္ပာယ် ထွက်သော ကြွေးကြော်သံများကို ဖော်ထုတ်ခြင်း၊ လက်နက်ကိုင်တိုက်ပွဲ လုပ်ရန် သို့မဟုတ် ပြင်ဆင်ရန် လှုံ့ဆော်ခြင်း သည် အနည်းစုကိုသာ ဆွဲဆောင် နိုင်လေ့ရှိသည်။ ရှေ့တန်းရောက်အင်အားကို လူထုနှင့် ကင်းကွာစေပြီး၊ ယာယီ ဆုံးရှုံးမှု မှ ကြီးမားသော ဆုံးရှုံးမှုများအထိ ဖြစ်ပေါ်စေနိုင်သည်။ ရန်သူတို့ နောက်ဆုံး ပြိုပျက်ချိန် မရောက်မချင်း၊ တောင့်တင်း အားကောင်းသော လက်နက် ကိုင်တိုက်ပွဲ နှင့် မပေါင်းစပ်နိုင်မချင်း မြို့ကြီးများတွင် နှစ်ပေါင်းများစွာ စုစည်းလာခဲ့သော တော်လှန်သည့် ခေါင်းဆောင်အင်အားကိုအရမ်းကာရော သုံးဖြုန်းမပစ်ရ။
* အများစုက လက်နက်ကိုင်တိုက်ပွဲကို ဆက်လက် မသယ်ဆောင်ဝန့်၊ မသယ် ဆောင်ချင် တော့သောအခါ နိုင်ငံရေးအရ နိုးကြားသော အနည်းစုကို ကိုယ်ချည်း အထီးတည်း တိုက်ပွဲ ၀င်စေခြင်း မပြုပါနှင့်။
* တိုက်ပွဲအတွင်း တက်ကြွသူ နှင့် နောက်တွန့်သူများ၏ အင်အား အချိုးအစားကို ဂရုစိုက် စောင့်ကြည့်ရမည်။
* အချိန်အခါ နှင့် နေရာကောင်းကို ထိုင်စောင့်နေ၍ မရနိုင်။ ယူဂျီလုပ်ငန်း၊ အခြားသော လုပ်ငန်းများကို လုပ်ခြင်းဖြင့် အချိန်အခါကောင်း၊ အခွင့်အခါကောင်းကို ဖြစ် ပေါ်စေရမည်။

(၇)

ယူဂျီ စည်းကမ်း နှင့် စနစ်

ယူဂျီစည်းကမ်းဆိုသည်မှာ အဓိကသည် လျှို့ဝှက်ရေး ဖြစ်သည်။ လျှို့ဝှက်ရေး ကို ယူဂျီ ၏ အသက် ဟု ပြောလျှင် မမှားပါ။ လျှို့ဝှက်ရေးစည်းကမ်းကို မလိုက်နာ၊ မလေးနက်ခြင်း တချက်တည်ဖြင့် သည်လူသည် ယူဂျီ နှင့် မသင့်လျော် ဟု ယေဘုယျ ပြောနိုင်သည်။

မဆိုင်သည်ကို မပြောဖို့၊ မမေးဖို့၊ မစပ်စုဖို့ လိုသည်။

ဆိုင်တာကို ထိန်း၊ မဆိုင်တာကို မေ့ပစ်၊ မလိုတာကို အဆက်ဖြတ်လိုက် ရပါမည်။

သတ်မှတ် တာဝန်ပေးထားသည့် လုပ်ငန်းမှအပ ဘယ်ထဲမှ မပါဖို့ လိုသည်။ အထူး သဖြင့် လူထုတိုက်ပွဲတွေထဲမှာ တာဝန်မပေးပဲ လိုက်ပါခြင်းမပြုရန် လိုအပ်သည်။ စည်းရုံးရေး လုပ်ငန်းများမှာလည် တာဝန်မပေးပဲ မစည်းရုံးပါနှင့်။ မိမိတွေ့ရှိထားသော၊ မိမိလုပ်နိုင်သော၊ သတင်းထူး စသည်တို့ ရှိပါကသက်ဆိုင်ရာသို့ သတင်းပေးပို့ပါ။

လျှို့ဝှက်ရေးကို အာမခံနိုင်ရန် ထောင်လိုက် စနစ်ကို ကျင့်သုံးကြရမည်။ အတွင်းစည်း၊ အပြင်စည်း ခွဲခြားထားရမည်။ အပြင်စည်း ဆိုသည်မှာ စည်းရုံးသိမ်းသွင်း ကာစ ရဲဘော်သစ်တွေ၊ လက်ငင်း လုပ်ငန်းတာဝန်မရှိသေးသည့် ရဲဘော်တွေ နှင့် ဆက်ဆံရာတွင် ထားသည့် အပြင်စည်း ဖြစ်သည်။ ထောင်လိုက်စနစ်ဖြစ်သည့်အတွက် ကလာပ်စည်း တခုထဲမှ လူချင်းပင် (မလိုအပ် ပါက) တယောက် နှင့် တယောက် အသိပေးစရာ မလိုပါ။ ပျားအုံတအုံလို တကန့်စီ ရှိရပါမည်။ ထောင်လိုက်စနစ် ဆိုသည် မှာ အထက်ကနေ အောက်ကိုသာ အများအားဖြင့် ဆက်သွယ်ပါ သည်။ အောက်ကနေ အထက်ကို ဆက်သွယ်မှုကတော့ လိုအပ်မှသာ သင့်လျော်သော ပုံစံအမျိုး မျိုးဖြင့် ဆက်သွယ်ရန် စီစဉ်ထားရပါသည်။ မလိုအပ်ပါက စီစဉ်ထားရန် မလိုအပ်ပါ။

အောက်ပါစနစ်အချို့ နှင့် စည်းကမ်းများကို သတိမူပါ။

တေ့ဆက် နှင့် ဆက်ထုံး … တေ့ဆက် ဆိုသည်မှာ ဆက်သွယ်ရာတွင် အချိန်၊ နေရာ အတည်တကျမထားပဲ လွှဲပြောင်းလုပ်ကိုင်ခြင်းဖြစ်သည်။ လမ်းပေါ်မှာ၊ အများ ဆိုင်ရာ နေရာမှာ၊ အချိန် နေရာ အမျိုးမျိုးပြောင်း၊ ပုံစံအမျိုးမျိုးပြောင်း ဆက်သွယ်ပြီး အမြန် အဆက်ဖြတ်လိုက်ရပါမည်။ လူချင်းဆုံ၍သော်လည်းကောင်း၊ စာအားဖြင့်လည်းကောင်း၊ စကားဝှက်၊ သင်္ကေတအားဖြင့် လည်းကောင်း အမျိုးမျိုး ဆက်သွယ်နိုင်သည်။

ဆက်ထုံးဆိုသည်မှာ ခြေရာဖျောက်ထားသည့် ကြားခံလူကို ရည်ညွှန်း သတ်မှတ်ခြင်း ဖြစ်သည်။ အရေးအကြောင်း ရှိလာပါက အဆက်ဖြတ်ရန် ကွင်းဆက် ဖြတ်နိုင်ရန် ရည်ရွယ်သည်။ ရန်သူကို လှည့်ဖျားရန်အတွက်လည်း ဆက်ထုံးတု (အမှန်တကယ်မရှိ သော ကြားခံလူ) များ ဖန်တီးနိုင်သည်။ ဤနည်းနှင့်ပင် အကြောင်း မသင့်၍ ရန်သူ့ လက်တွင်းကျရောက်ခဲ့သော် ကွင်းဆက်များ ဖြတ် နိုင်ပါမည်။

အတွင်းစည်း/အပြင်စည်း (ဆက်သွယ်မှု နှင့် အဆက်ဖြတ်မှု)

ရဲဘော်တဦးကို စည်းရုံး စမ်းသပ်ပြီးမှ တာဝန်ပေးခြင်းကို ပြုလုပ်ရသည်။ တာဝန် ပေးပြီဆိုလျှင် အတွင်းစည်း သွင်းလိုက်ခြင်း မည်ပါသည်။ ၎င်းသည် တစုံ တရာကို သိသွားပြီ ဖြစ်သည်။ ထိုသူသည် ယူဂျီစည်းကမ်းကို လိုက်နာ စောင့်ထိန်း ရပါတော့မည်။ ၎င်းအား မည်သို့ စည်းအတွင်း သွင်းမည်နည်း?၊ စတင် ဆက်သွယ်သူ စည်းရုံးသူ ရဲဘော်က တိုက်ရိုက် ကိုင်တွယ် မည်လား?၊ အခြားတဦးထံ လွှဲပေးမည်လား?။ အခြားတဦးထံ (လိုအပ်ချက်အရ) လွှဲပေးပြီဆိုလျှင် ဆက်သွယ်ခြင်း နှင့် အဆက်ဖြတ်ခြင်း တွင် ပြဿနာပေါ်တတ်သည်။ ဤနေရာတွင် လိုင်းပူး တတ်ကြသည်။ လျှို့ဝှက်ရေး စည်းကို ဖောက်ဖျက်မိ တတ်ကြသည်။ ထို့ကြောင့် နည်းနာ ကြွယ်ဝ ရန် လိုအပ်သည်။

မူများမှာ …

* မိမိသဘော နှင့် မိမိ လက်လွတ်စပယ် လွှဲမပေးရ။ အထက် အဖွဲ့အစည်းသို့ တင်ပြ ပြီး ခွင့်ပြုချက်ရယူပါ။
* မျက်နှာလွှဲ ခဲပစ် လွှဲမပေးရ။ `ခင်ဗျားကို ရဲဘော် က ဆီ လွှဲပေးလိုက်ပြီ´ ဆိုပြီး ချက်ချင်းကြီး မလုပ်ပါနှင့်။ ပထမ လွှဲပေးမည့် ကေဒါ နှင့် လက်ခံမည့် ကေဒါကို ကြိုတင်၍ ၎င်းတို့ချင်း နီးစပ်စေရန် တနည်းနည်းဖြင့် ဆောင်ရွက်ပေးရမည်။ ၎င်းတို့ချင်း နီးစပ်ပြီဆိုမှ တရားဝင် လွှဲပေးပါ။
* တရားဝင်လွှဲပြီဆိုလျှင် အမျှင်တန်းလန်း လုပ်မနေပါနှင့်၊ ဆက်သွယ်မှုဟောင်းကို ယတိပြတ် ဖြတ်တောက်ပစ်ပါ။ သုံးဦး သုံးဖလှယ် အမျှင်တန်းဖြင့် ဆက်စပ်နေမှု သည် အန္တရာယ် ကြီး မားသည်။ လိုင်းပူးသွားခြင်းဖြစ်သည်။ တနွယ်ငင် တစင်ပါ ဖြစ်ပြီး အုပ်စုလိုက် လိုင်းပူးသွား နိုင်သည်။ အပျော်တမ်းဆန်မှု မှ မြစ်ဖျားခံသော ဤ စည်းစနစ်ဆိုင်ရာ အားနည်းချက်သည် သေစေလောက်သော အမှားကို မလွဲမသွေ ဖြစ်ပေါ်စေသည်။ ပါတီတွင် ယင်းကဲ့သို့ သင်ခန်း စာများ မနည်းတော့ပေ။
* အုပ်စုလိုက် လွှဲပြောင်းပေးခြင်းမျိုး လုံးဝမပြုလုပ်သင့်ပါ။ ဤအမှားမျိုးသည် သာမန်အချိန်များ တွင် ဖြစ်ရန် နည်းသည်။ အများအားဖြင့် လူထုအုံကြွမှုကြီးများ ဖြစ်နေချိန်၌ ဖြစ်တတ်သည်။ တခါတရံ အထက်အဖွဲ့အစည်း နှင့် အဆက်ပြတ်နေ ချိန်တွင်လည်း ကိုယ့်သဘောနှင့်ကိုယ် အုပ်စုလိုက် လွှဲပြောင်းပေးတာမျိုး ဖြစ်တတ်သည်။ စိတ်လောကြီး၍ ဖြစ်တတ်သော အမှား များဖြစ်သည်။ ယူဂျီလုပ်ငန်းတွင် စိတ်မရှည်မှုသည် အန္တရာယ်ဖြစ်သည်။ စိတ်ရှည်ရှည် စောင့် ဆိုင်းရန် လိုအပ်သည်။
* အရာရာတိုင်း၌ အထက်အဖွဲ့အစည်းကို နာခံ၊ ညွှန်ကြားချက်ကိုတောင်းခံ၊ မိမိ သဘောဖြင့် မိမိ မဆောင်ရွက်ရန် ဆိုသော မူကို ဤ လွှဲပြောင်းရေးကိစ္စများတွင် အထူး လိုက်နာရမည်။
* အထက် ဖော်ပြခဲ့သည်များသည် အတွင်းစည်းရဲဘော်များအား လွှဲပြောင်းပေးခြင်း ကိစ္စများ ဖြစ်သည်။ အတွင်းစည်း အတွင်းသို့ မရောက်သေးသော စည်းရုံးဆဲ ကေဒါ များကိုမူ မိတ်ဆက်ပေးခြင်း၊ အောင်သွယ်ပေးခြင်း နည်းများဖြင့် မသိမသာ လွှဲပေး နိုင်သည်။
* လွှဲပြောင်းမှုများကို နည်းနိုင်သမျှ နည်းစေရန် ဆောင်ရွက်ရမည်။ မလွှဲမဖြစ်သော အခြေ အနေများ၌သာလျှင် လွှဲပြောင်းပေသင့်သည်။ တခုလုံးအကျိုးအတွက် အရေးတကြီးလိုအပ်မှု ရှိမှ လွှဲပြောင်းပေးသင့်သည်။ ကေဒါတဦး (ဥပမာ~ အစိုးရ၀န်ထမ်း တဦး) နယ်ပြောင်း သွားခြင်းကို လိုက်ပြီး လွှဲပေးနေရန် မလိုအပ်ပါ။ မူလ နေရာမှပင် ကိုင်ထားရပါမည်။ အဆက် မပြတ်ရေးကို နှစ်ဦးနှစ်ဖက် တာဝန်သိသိ ဆောင်ရွက် ရပါမည်။

(၈)

သတိပြုရမည့်အချက်များ

၁။ လူ နှင့် လုပ်ငန်း လက်သည် မပေါ်စေနှင့်။

မိမိ နှင့် အခြားတယောက်သည် မည်သူများဖြစ်သနည်း? (ကွန်မြူနစ် ၊ ယူဂျီ အဖွဲ့ အစည်းရှိ မရှိ၊ တကိုယ်တော် အတိုက်အခံ ~ စသည်ဖြင့်)

မည်သူဖြစ်သနည်း။ (အမည်၊ နေရပ်၊ နောက်ကြောင်း ~ စသည်ဖြင့်) မပေါ်ပါ စေနှင့်၊ ဖုံးကွယ်ပါ။ အလုပ်တွဲလုပ်သူချင်း မိမိ ဘာလုပ်နေသည်ကို သိနိုင် သော်လည်း မိမိ မည်သူဖြစ်သည်ကို သိချင်မှ သိမည်။ မသိပါက ပိုကောင်းသည်။ ပေါ်နေလျှင်ပင် အတည်ပြုပေးရန် မလိုအပ်ပေ။ ရန်သူမိပြီး မိမိ ပေါ် သွားလျှင်ပင် အခြား ရဲဘော်များ ထပ်၍ မပေါ်ပါစေနှင့်။ မိမိ အသွေးအရောင်၊ မိမိတာဝန်၊ လုပ်နေသည့်အလုပ်တွေ နှင့် ပတ်သက်၍ မိမိအတွက်လည်း တာဝန်ယူ၊ အခြားသူအတွက်လည်း တာဝန်ယူ ရပါမည်။

မိမိ အသက်ရှူချောင်စေရန် အခြားသူ၊ အခြား အဖွဲ့အစည်းများအပေါ် လမ်းကြောင်း ပြောင်းပေးခြင်းမျိုးမပြုလုပ်သင့်ပါ။

၂။ လိုင်းမပူးပါနှင့်။

လုပ်ငန်းငယ်ကလေးများ (ဥပမာ ~ သတင်းစာပို့ခြင်း၊ စာစောင်ရိုက်ခြင်း၊ ပစ္စည်းငှား ခြင်း၊ ဆက်သွယ်ခြင်း ~ စသည်ဖြင့်) ပေါ့လျော့ကြခြင်းကြောင့် လိုင်းပူးခြင်းများ ဖြစ် တတ်သည်။ ကလာပ်စည်းတခု နှင့် တခု ပူးနေရာ မှ ယူနစ်မတူသည့် လိုင်းများ ပူးခြင်း ~ စသည်ဖြင့် ပူးနိုင်သော အခြေအနေ အတော်များများ ရှိသည်။ ဒေသ ကျဉ်းကျဉ်း၊ မြို့ငယ်များတွင်ဖြစ်ပါက ရှောင်၍ မလွတ်တတ်ခြင်းကြောင့် ပို၍ သတိထား ဆောင်ရွက် ရန် လိုအပ်သည်။

လိုင်းပူးခြင်းသည် အန္တရာယ် ကြီးမားလှသည်။ ရန်သူအနေဖြင့် လိုက်ရ အလွန် လွယ် သွားပြီး ကွန်ချက် တချက်တည်းဖြင့် ငါးအများအပြား ရသွားနိုင်သည်။

အထက်မှ ခန့်ခွဲမှု လွဲချော်ခြင်းကြောင့် လိုင်းပူးခြင်းများလည်း ရှိနိုင်သည်။ အောက်မှ အနေမတတ်၍ ပူးခြင်းမျိုးလည်း ရှိနိုင်သည်။ မည်သို့ပင်ဖြစ်စေ ကာမူ လိုင်းပူးသည် ကို သိလျှင်သိချင်း အမြန် ခွာနိုင်ရန် လိုအပ်သည်။ လိုအပ်ပါက ခြေရာဖျောက်ရပါမည်။ ပြင်ဆင်သင့်သည်များကို ပြင်ဆင်ရပါမည်။ ဤအခြေအနေသည် ထောင်လိုက် စနစ် ကျိုးပျက်နေခြင်းဖြစ်သည်။ အထက် သို့ အမြန်ဆုံး အစီရင်ခံတင်ပြပါ။

၃။ သဲလွန်စ မကျန်ရစ်ပါစေနှင့်။

အများဆုံးသဲလွန်စမှာ စာစောင် စာတမ်းများ ဖြစ်သည်။ လက်နှိပ်စက်၊ ပုံနှိပ် ပစ္စည်း၊ အခြား ရုတ်ဝတ္ထုပစ္စည်းများမှလည်း သဲလွန်စ ကျန်ရစ်နိုင်သည်။ ကြေညာချက်များ၊ ပေးစာများ၊ မှတ်တမ်းများသည် အန္တရာယ် ကြီးမားသည်။ မိမိကို ဖမ်းစဉ် ဤ ရုပ်ဝတ္ထု ပစ္စည်းများကို ရန်သူ ရရှိသွားပါက မိမိကိုယ်မိမိ ကြိုးတုတ်ပေးလိုက်သကဲ့သို့ ဖြစ်စေ သည်။

တတ်နိုင်သမျှ အချက်အလက်များကို မှတ်ဉာဏ်တွင်သာ မှတ်သားထားပါ။ မလိုအပ် တော့သော စာရွက် စာတမ်း၊ ပစ္စည်းများကို မိမိရှေ့တွင် ဖျက်စီးပစ်ပါ။ သိမ်းသင့် သည်များကိုလည်း လုံခြုံစွာ သိမ်းဆည်းပါ။ ၀ှက်ထားပါ။ ကြေညာ စာတမ်းများ မိမိထံမှ ထွက်သည်ကို မပေါ်စေရန် အရေးကြီးသည်။

၎။ ရန်သူဖမ်းမိပါက လိုက်နာရန်အချက်များ

(က) ရန်သူမသိသေးလျှင် မိမိသည် အဖွဲ့အစည်းမှ ဖြစ်ကြောင်း မပေါ်ပါ စေနှင့်။

(ခ) အဖွဲ့အစည်းရှိကြောင်း မပေါ်ပါစေနှင့်။

(ဂ) မိမိတို့လုပ်ငန်းကို မပေါ်ပါစေနှင့်။

(ဃ) အခြား ရဲဘော်များ ကို မဖော်ထုတ်ပါနှင့်၊ ဖုံးကွယ်ရန် တာဝန်ရှိသည်။ စကား ကို အပို မပြောပါနှင့်၊ ပြောလည်းရ မပြောလည်းရ ကိစ္စမျိုး တွင်ပင် မပြော လိုက်ခြင်းက အကောင်းဆုံးဖြစ်သည်။ သွေးပူနေစဉ် အရေးမကြီးဟု ထင်ကာ ဖော်ထုတ်လိုက်မိသော အချက်အလက် တခုသည် လိုက်၍မဆုံး သော သဲလွန်စတခု ဖြစ်နေတတ်သည်။ `ကိစ္စကြီး ဖုံးကွယ်ရန် ကိစ္စသေး ပေးလိုက်သည်´ ဟု ဆိုခြင်းသည် အဘက်ဘက်က ချင့်တွက်ပိုင်နိုင်ရန် အရေးကြီးသည်။

ဤနေရာတွင် ရဲဘော်များ ကြံ့ခိုင်ရန်၊ ယုတ္တိရှိရှိ ဆင်ခြေပေးနိုင်ရန် လိုအပ် သည်။ မာယာ များရပါမည်။

လက်တွေ့ရင်ဆိုင်ရာတွင်

* ကြောက်ခြင်း၊ ထိတ်လန့်ပြာယာခတ်ခြင်းများကို ကျော်နင်းပါ။
* အခြေအနေ၊ အတိုင်းအတာကို ချင့်တွက်ပါ၊ (ရန်သူ မည်သည့်အရာများ သိထား သည်၊ မည်သည်ကို မသင်္ကာဖြစ်သည်၊ မည်သည်က အစပေါ်နေ သည်)
* သဏ္ဍာန်ဆောင်ပါ (ကြောက်ဟန်၊ စိုးရိမ်ဟန်၊ ရိုးသားဟန်၊ ရိုကျိုးဟန်၊ မကျေ လည်ဟန် ~ စသည်ဖြင့်)
* အပိုစကား မပြောပါနှင့် (နိုင်ငံရေးအကြောင်း၊ သူ့အကြောင်း၊ ကိုယ့် အကြောင်း ~ စသည်ဖြင့်)
* စကားလမ်းကြောင်း ပြောင်းပစ်ပါ။
* သာမန်လူများအတိုင်း ပြုမူပါ။ (တရားခံတဦး၊ အမာခံတဦး၊ အပြစ်ရှိသူ တဦး ကဲ့သို့ မနေပါနှင့်။ မိမိ မိသားစု၊ အိမ်၊ နောင်ရေးများကို ပူပင် စိတ်ဒုက္ခရောက်မှု ကို ပြပါ။ ဖရဲသီးကဲ့သို့ အပြင်ပန်း အရောင်စိမ်းပြီး အတါင်းသား နီရဲနေပါစေ)
* အချိန်ဆွဲပါ။ (အခြားရဲဘော်များအတွက် အချိန်ရစေနိုင်ပါသည်)
* ရန်သူ စွဲချက်တင်လာသော အချက်အလက်များ ခိုင်လုံလာပြီး၊ သက်သေခံပစ္စည်း များလည်း ရှိနေပါလျှင်မူ ဖုံးတ၀က်၊ ဖော်တ၀က် လုပ်နိုင်ပါသည်။ (ပေါ်နေသမျှ မိမိတွင် တာဝန်ရှိကြောင်း ရပ်ခံလိုက်ပြီး လိမ်၍မရသမျှကို အတု လူတဦးအပေါ် ပုံချလိုက်ပါ။)

(၉)

ယူဂျီရဲဘော်များ ဖြည့်ဆည်းထားရမည့်အချက်များ

* ရန်သူ၏ အုပ်ချုပ်ရေး ယန္တယား အကြောင်း၊ ထောက်လှမ်းရေး ယန္တယား အကြောင်း၊ ၎င်းတို့၏ အခွင့်အာဏာများ၊ သတင်းပိုက်ကွန် ချထားမှု၊ ရန်သူ၏ အမူအကျင့်၊ စည်းမျဉ်း နည်းနာများ မည်သို့ရှိသည်၊ တရားဥပဒေ အရ မည်ကဲ့သို့ရှိသည် စသည် များကို တတ်နိုင်သရွေ့ လေ့လာရပါမည်။
* ထောက်လှမ်းရေး အကြီးအကဲများ အဆက်ဆက် ပြောင်းလဲနေသည်။ ဖွဲ့စည်းပုံများ တိုးချဲ့ပြင်ဆင်နေသည်။ အဆက်ဆက်သော ထောက်လှမ်းရေး မင်းစဉ် မင်းဆက်များ၏ လုပ်နည်းကိုင်နည်းများ၊ အလေ့အကျင့်များကို သိထား နိဂုံးချုပ်ထားရပါမည်။ လက် တွေ့ တွင် ၎င်းတို့၏ လုပ်ဆောင်နိုင်စွမ်းကို လျှော့မတွက်မိရန် အရေးကြီးသည်။
* မိမိတို့လုပ်ငန်းနှင်ပတ်သက်၍ ရန်သူ မည်မျှသိရှိထားသည်ကိုလည်းကောင်း၊ ကြိုးရှည် ရှည်နှင့် လှန်ထားခြင်း မျှောထားခြင်း ရှိမရှိ ကိုလည်းကောင်း အမြဲ ချင့်တွက်နေရမည်။
* ရန်သူက အဖမ်းအဆီး စတင်လုပ်ဆောင်လာလျှင် အန္တရာယ်ခေါင်းလောင်း စတင်မြည် လာကြောင်း သတိထားပါ။ မသင်္ကာစရာတွေ့သည်နှင့် ကြိုတင် စဉ်းစားထားသည့် အတိုင်း အဆင့်လိုက် စီမံဆောင်ရွက်ရန်များ စတင်လုပ် ဆောင်ပါ။ ရန်သူကို အချိန် မပေးပါနှင့်။ သို့သော် အိနြေ္ဒရရ ခြေလှမ်းလှမ်းရန် မမေ့ပါနှင့်။ ရှောင်သင့်သူ ရှောင်ရ တော့မည်။ သတိရှိရှိ နေကြရတော့မည်။ ရန်သူသည် အစ တစ်စ ရသည်နှင့် စစ်ဆင် ရေးတရပ်အဖြစ် ရေဆုံးရေဖျား လိုက်တတ်သည်။ လက်ဦးမှု ကို ဆုပ်ကိုင်ထားနိုင်ရန် လိုသည်။ ဖျောက်ဖျက် စရာများကို ဖျောက်ဖျက်ပစ်ရမည်။ ခြွင်းချက်မှအပ လုပ်ငန်းများ ရပ်ဆိုင်းထားပါ။ မိမိတို့၏ ဆက်သွယ်ရေး သဏ္ဍာန်များ ကို ပြောင်းလဲပစ်ရမည်။ မကြာ ခဏ ပြောင်းလဲပေးရန် လိုအပ်သည်။ တတ်နိုင်ပါက သဏ္ဍာန်တုများ ဖန်တီးထားပါ။
* အဆုံးအရှုံးနည်းစေရန် ယူဂျီ တန်ပြန်ထောက်လှမ်းရေး ကွန်ယက် ထူထောင်ထားနိုင် ပါက အကောင်းဆုံးဖြစ်သည်။
* ရှောင်တိမ်းမည့်သူများ ပုန်းခိုရန်၊ အလုပ်လုပ်ရန် နေရာများ ကြိုတင် ရှာဖွေ ထားရမည်။ ရေရှည် ရှောင်တိမ်းရမည့်သူများအတွက် လူအများကြားတွင် ပျောက်သွားနိုင်သည့် နေရာ ဒေသများကို ပြင်ဆင်ထား၊ အဆက်အသွယ် လုပ်ထားရမည်။

(၁၀)

ရန်သူ ကျင့်သုံးလေ့ရှိသည့် နည်းပရိယာယ်များ

ရန်သူက ယူဂျီ ရဲဘော်များအား ပြောင်းလဲပစ်ချင်သည့် သဏ္ဍာန်များမှာ အကြမ်း အားဖြင့် ၃ မျိုး ရှိသည်။

(၁) ရပ်တည်ချက်ပြောင်းစေပြီး ၎င်းတို့ခိုင်းသမျှ တက်ကြွစွာ လုပ်ဆောင်ပေးမည့် လူစား (သစ္စာဖောက် အဆင့်)

(၂) နှိပ်စက်ညှဉ်းပမ်း၍ သော်လည်းကောင်း၊ နည်းပရိယာယ်အရ သော်လည်း ကောင်း လွှမ်းမိုး အနိုင်ယူကာ ကာလတခုမျှ ဒူးထောက် အညံ့ခံလိုက်ရသည့် လူစား (သို့သော် ရပ်တည်ချက် ပြောင်းချင်မှ ပြောင်းမည့်သူများ)

(၃) စိတ်ဓာတ်ကျပြီး နိုင်ငံရေး မှ စွန့်ခွာသွားသူများ ဖြစ်စေရန် လုပ်ဆောင်လေ့ ရှိသည်။

ဤအခြေခံမှ အောက်ပါနည်းပရိယာယ်များကို ကျင့်သုံးခြင်းဖြစ်သည်။ ယူဂျီ ရဲဘော်များ ရင်ဆိုင်ရမည့် ကိစ္စများလည်း ဖြစ်သည်။

ရိုက်နှက်ညှဉ်းပန်းခြင်း၊ ကိုယ်ခန္ဓာသာမက စိတ်ဓာတ်အရပါ ညှိုးကျသွား စေရန်ပြုလုပ် ခြင်းသည် အရင်းခံအကျဆုံးလက်သုံးနည်းဖြစ်သည်။ ဒဏ်ရာဒဏ်ချက် များ အပြင် အစား၏ ဆင်းရဲခြင်း၊ နေမှုထိုင်မှု ဆင်းရဲခြင်း စသည်များသည် ပထမဆုံး ရင်ဆိုင်ရမည့် ကိစ္စများဖြစ်သည်။

၎င်းနောက် ခြိမ်းခြောက်ခြင်း၊ ကောလဟလ သတင်းများ ထုတ်ပြီး ထင်ယောင်ထင်မှား ဖြစ်စေခြင်း များ လိုက်လာပေမည်။

၎င်းနှင့်ဆန့်ကျင်စွာ အချိုသတ်ခြင်း၊ မက်လုံးပေးခြင်း စသည်များကိုလည်း လူပေါ်လိုက် ၍ ပြောင်းလဲကျင့်သုံးတတ်သည်။

* သားသမီး၊ မိဘ ဆွေမျိုး သားချင်းများ၏ အခက်အခဲကိုပြော၍ စိတ်ဓာတ်ကျ စေခြင်း။
* မိမိကိုယ်သာမက ဆွေမျိုးအသိုင်းအ၀န်း ၏ အန္တရာယ်များကို ညွှန်ပြပြီး ခြိမ်း ခြောက်ခြင်း။
* မိဘ ဆွေမျိုးသားချင်းများ လွှတ်ပြီး နှူးစေခြင်း။
* နောက်ပိုင်းတွင် အမျိုးသမီးများဆိုလျှင် လူလွှတ်၊ အိမ်ထောင်သည်ပါ မရှောင် ဘ၀ပျက်အောင် လုပ်လွှတ်လိုက်မှုများ အထိ ကမ်းကုန်သည် အထိ ပြုမူကြသည်။

မည်သို့ပင်ဆိုစေကာမူ ဤစနစ်များ ချုပ်ငြိမ်းသည်အထိ တိုက်ပွဲဝင်ရန် ပိုင်းဖြတ်ချက်ချ ထားပြီးဖြစ်သော ယူဂျီရဲဘော်များသည် ဤအတားအဆီးများကို ကျော်လွှားနိုင်မည်သာဖြစ်သည်။

`အသက်စွန့်ရန် မကြောက်၊ အခက်အခဲဖယ်ရှား၊ အောင်ပွဲအရယူ´ ကြနိုင်မည့်သူများ သာ ဖြစ်ကြသည်။

၁၉၉၆၊ ဇန်န၀ါရီ

ဗဟိုဌာနချုပ်

ဗမာပြည် ကွန်မြူနစ်ပါတီ။